ઝરમર વરસાદમાં ઈટાલીના વડાપ્રધાન જ્યોર્જિયા મેલોનીનું અનોખુ સ્વાગત : આલ્બેનિયાના PMનો વિડીયો વાયરલ
ઈટાલીના વડાપ્રધાન જ્યોર્જિયા મેલોની સોશિયલ મીડિયામાં પણ એક્ટીવ છે. તેવી અવાર-નવાર ચર્ચામાં રહેતા હોય છે. ખાસ કરીને પીએમ મોદી અને ઈટાલીના પીએમ જ્યોર્જિયા મેલોની વચ્ચેની મુલાકાતને લઈને સોશિયલ મીડિયા પર ઘણી ચર્ચાઓ થતી હોય છે ત્યારે આજે ફરી એકવાર ઈટાલીના વડાપ્રધાન જ્યોર્જિયા મેલોની ચર્ચામાં છે. હાલ તેણી અલ્બેનિયાની મુલાકાતે છે. અહીં પીએમ એડી રામાએ શુક્રવારે રેડ કાર્પેટ પર બેસીનેમેલોનીનું સ્વાગત કર્યું. ભારે વરસાદ છતાં પણ તેમનું શાનદાર ફોર્મ ચાલુ રહ્યું. હાલ આ સ્વાગતના વિડીયો સોશિયલ મીડિયામાં વાયરલ થયા છે.
ઇટાલીના વડા પ્રધાન જ્યોર્જિયા મેલોનીનું સ્વાગત કરવા માટે એક ઘૂંટણિયે બેસીને અને ફ્રેન્ચ રાષ્ટ્રપતિ ઇમેન્યુઅલ મેક્રોનને વાર્મ હગ આપતા, અલ્બેનિયન વડા પ્રધાન એડી રામાએ શુક્રવારે યુરોપિયન નેતાઓનું પોતાની અનોખી શૈલીમાં વરસતા વરસાદમાં સ્વાગત કર્યું હતું.
Giorgia Meloni truly commands the utmost respect of world leaders. This is quite the sight to see. pic.twitter.com/xBp3d0Qi7j
— Joey Mannarino 🇺🇸 (@JoeyMannarinoUS) May 16, 2025
તાજેતરની ચૂંટણીઓમાં સતત ચોથી વખત જીત મેળવનારા રામાએ ‘2030 સુધીમાં અલ્બેનિયાને યુરોપિયન યુનિયનમાં એકીકૃત કરવાના’ તેમના ચૂંટણી વચન સાથે EPC (યુરોપિયન પોલિટિકલ કોમ્યુનિટી) કોન્ફરન્સમાં હાજરી આપતા 40 થી વધુ દેશોના નેતાઓનું વરસાદમાં છત્રી લઈને સ્વાગત કર્યું હતું.
મેક્રોનનું ઉષ્માભર્યું સ્વાગત કરવામાં આવ્યું
જ્યારે ઇટાલીના પીએમ મેલોની આવ્યા, ત્યારે રામા તેમની સામે ઘૂંટણિયા પર બેસ્યા જેમ તેઓ ઘણીવાર તેમની ‘ઇટાલિયન બહેન’ માટે કરે છે. યુક્રેનિયન રાષ્ટ્રપતિ ઝેલેન્સકીને ખાસ માન આપતા, તેઓ પોતે તેમને ઓપેરા બિલ્ડિંગમાં લઈ ગયા, જ્યાં નેતાઓ વાટાઘાટો કરવાના હતા. જ્યારે મેક્રોન આવ્યા, ત્યારે રામાએ મજાક કરી, ‘સૂર્ય રાજા આવી ગયો છે!’ બંને નેતાઓએ એકબીજાને ઉષ્માભર્યા ગળે લગાવ્યા અને પછી અંદર પ્રવેશ્યા.
2022 માં રશિયાના યુક્રેન પર હુમલા પછી ફ્રાન્સના રાષ્ટ્રપતિ મેક્રોન દ્વારા શરૂ કરાયેલ, આ EPC બેઠક તમામ EU સભ્ય દેશો અને 20 અન્ય દેશોને એક પ્લેટફોર્મ પર લાવે છે. આ બેઠકમાં યુક્રેન સૌથી મહત્વપૂર્ણ મુદ્દો હતો, સાથે જ ઇસ્તંબુલમાં રશિયા અને યુક્રેન વચ્ચે ચાલી રહેલી વાટાઘાટો અને સ્થળાંતરના મુદ્દાઓ પર પણ ચર્ચા કરવામાં આવી હતી.
