અરે આટલો મોટો દંડ !!!! આટલા પૈસા તો આખી પૃથ્વી ઉપર પણ નથી..રશિયાએ ગુગલ પર લગાવ્યો સૌથી મોટો દંડ ફટકાર્યો

2.5 000 000 000 000 000 000 000 000 000 000 000 000 ડોલર ( ૨.૫ પાછળ ૩૬ શૂન્ય )

રશિયન સરકાર સમર્થિત બે યુટ્યુબ ચેનલ બંધ કરી દેવામાં આવતા રોજનો ૧ લાખ રુબલ્સ દંડ લાગે છે અને દર અઠવાડિયે તે બમણો થાય છે.

રશિયાની એક અદાલતે અકલ્પનીય ચુકાદામાં ગુગલને એવી રકમનો દંડ ફટકાર્યો છે જે રકમ આખી પૃથ્વી ઉપર છે જ નહી. કોર્ટે જે દંડ ફટકાર્યો છે તે રકમ મીલીયન, બિલિયન કે ટ્રીલીયન નહી પણ ૨.૫ ડેસિલીયન ડોલર છે. ડેસિલિયનની ગણતરી કરવા માટે, 1 ની પાછળ 36 શૂન્ય મૂકવામાં આવે છે. તે પણ અમેરિકન ગણતરી મુજબ, જો આપણે બ્રિટિશ ગણતરીઓ જોઈએ તો 60 શૂન્ય ઉમેરવા પડશે.

રશિયાના આરબીસી ન્યૂઝને ટાંકીને કહેવામાં આવ્યું છે કે ક્રેમલિન કોર્ટે વર્ષ 2020થી ગુગલ પર દરરોજ 1 લાખ રુબેલ્સનો દંડ લગાવ્યો છે. રશિયન સરકાર સમર્થિત Tsargrad અને RIA FANની યુટ્યુબ ચેનલો બંધ થવાને કારણે ગુગલ દ્વારા આ દંડ લગાવવામાં આવ્યો છે. એટલું જ નહીં આ દંડ દર અઠવાડિયે બમણો કરવામાં આવતો હતો. જે આજ સુધીનો દંડ ભેગો થઈને 2 ડેસિલિયન રુબેલ્સ થયો છે

રશિયન મીડિયાને યુટ્યુબ પર તેમના સમાચાર પ્રસારિત કરવાની તક ન આપવા બદલ રશિયન કોર્ટે ગુગલને ઠપકો આપ્યો છે. રશિયન મીડિયાના અહેવાલો અનુસાર, આ સમગ્ર મામલામાં ઘણા તૃતીય પક્ષ પીડિતો છે. તેમાં ટીવી ચેનલો ઝવેઝદા, ચેનલ વન, વીજીટીઆરકે (ટીવી ચેનલ્સ રશિયા 1, રશિયા 24, વગેરે), સંસદીય ટેલિવિઝન, મોસ્કો મીડિયા, ટીવી સેન્ટર, એનટીવી, જીપીએમ એન્ટરટેઈનમેન્ટ ટેલિવિઝન, રશિયાનું પબ્લિક ટેલિવિઝન, ટીવી ચેનલ 360, ટીઆરકે પીટર્સબર્ગ, ઓર્થોડોક્સ ટેલિવિઝન ફાઉન્ડેશન, નેશનલ સ્પોર્ટ્સ ટીવી ચેનલ, ટેક્નોલોજિકલ કંપની સેન્ટર અને આઈપી સિમોનિયન એમ.એસ. જે યુટ્યુબ પર પોતાની ચેનલ રજૂ કરી રહ્યા હતા.

રશિયન કોર્ટે પોતાના નિર્ણયમાં કહ્યું હતું કે જો અમેરિકન કંપની ગુગલ 9 મહિનાની અંદર રશિયન કાયદાનું પાલન નહીં કરે તો તેના પર દરરોજ 1 લાખ રુબેલ્સનો દંડ ફટકારવામાં આવશે. દંડની રકમ દર અઠવાડિયે બમણી થશે અને દંડની રકમ પર કોઈ મર્યાદા રહેશે નહીં. સપ્ટેમ્બર સુધીમાં દંડની રકમ વધીને . 1.3 ડેસીલિયન થઈ ગઈ હતી.