દિલ્લી બ્લાસ્ટ કેસ: આતંકી સંગઠન ‘જૈશ’ની whatsapp ચેનલ બ્લોક: ભારતીય યુઝર્સ સુધી પહોંચાડી રહ્યા’તા કટ્ટરપંથી કન્ટેન્ટ

પાકિસ્તાની આતંકવાદી સંગઠન જૈશની વોટ્સએપ ચેનલ બંધ કરી દેવામાં આવી છે. દિલ્હી બોમ્બ વિસ્ફોટો બાદ આ કાર્યવાહી કરવામાં આવી હતી. જૈશની વોટ્સએપ ચેનલનું નામ મરકઝ સૈયદના તમિમ દારી હોવાનું કહેવાય છે અને તેના 13,000 થી વધુ ફોલોઅર્સ છે. વૉટ્સએપ દ્વારા જ આ કાર્યવાહી કરાઇ છે.

ઇન્ડિયા ટુડેના અહેવાલ મુજબ, આ ચેનલ જાન્યુઆરી 2024 માં બનાવવામાં આવી હતી અને તે જૈશ માટે દરરોજ પ્રચાર કરે છે. અહેવાલમાં જણાવાયું છે કે તે ઓડિયો ક્લિપ્સ, વિડિઓ સંદેશાઓ અને ઉગ્રવાદી વૈચારિક નિવેદનો પોસ્ટ કરે છે. આ ચેનલમાં તે યુવકોને ભડકાવે છે. આતંક તરફ વાળે છે.

આ પણ વાંચો :જંગલના અધિકારીની જંગલિયત! પત્ની-સંતાનોની હત્યા પૂર્વે જ મોતનો ખાડો ખોદાવ્યો,વાંચો ફિલ્મોની મર્ડર મિસ્ટ્રીને પણ ઝાંખી પાડે તેવી ઘટના

મદરેસા સૈયદીના ઝાયેદ બિન સબિત નામની બીજી ચેનલ જૂન 2024 માં ઓપરેશન સિંદૂર પછી શરૂ કરવામાં આવી હતી અને તેના લગભગ 3,000 ફોલોઅર્સ છે. આ ચેનલ નિયમિતપણે ધાર્મિક ઉપદેશોનું પ્રસારણ કરે છે અને કટ્ટરપંથી ઇસ્લામિક જીવનશૈલીને પ્રોત્સાહન આપે છે.

હાલ પૂરતું, જૈશની વોટ્સએપ ચેનલ બંધ કરી દેવામાં આવી છે. દિલ્હી બોમ્બ વિસ્ફોટો બાદ વોટ્સએપે આ કાર્યવાહી કરી હતી. સુરક્ષા એજન્સીઓનું કહેવું છે કે દિલ્હી વિસ્ફોટોમાં જૈશ-એ-મોહમ્મદનું એક મોડ્યુલ સામેલ હતું. દિલ્હી વિસ્ફોટોમાં અત્યાર સુધીમાં 15 લોકોના મોત થયા છે, જ્યારે 20 થી વધુ લોકો ઘાયલ થયા છે અને સારવાર લઈ રહ્યા છે.