પૃથ્વીથી 400 કિમી દૂર અંતરિક્ષમાંથી મતદાન કરશે સુનીતા વિલિયમ્સ
અમેરિકામાં ચૂંટણીનો રંગ બરાબર જામ્યો છે અને આવતા મહીને મતદાન થવાનુ છે ત્યારે અવકાશયાત્રી સુનિતા વિલિયમ્સ અને તેમના પાર્ટનર બૂચ વિલ્મોરે ઈન્ટરનેશનલ સ્પેસ સ્ટેશન (ISS)માં બેઠા બેઠા મતદાન કરીને ઈતિહાસ રચવાના છે.
આ બંને અવકાશયાત્રી ઘણા દિવસોથી સ્પેસમાં અટવાયેલા છે. આગામી 5 નવેમ્બરે યોજાનારી રાષ્ટ્રપતિની ચૂંટણીમાં સુનિતા વિલિયમ્સ પૃથ્વીની સપાટીથી લગભગ 400 કિલોમીટરના અંતરે પોતાનો મત આપીને ઈતિહાસ રચવાના છે.
400 કિલોમીટર દૂર આવેલા સ્પેસ સેન્ટરથી સુનિતા અને બૂચે કહ્યું હતું કે તેમણે નાસાને વિનંતી કરી છે કે તેઓ યુએસ ચૂંટણીમાં તેમના મત માટે પોસ્ટલ બેલેટની વ્યવસ્થા કરે.
સુનિતા અને બૂચ 5 જૂને સ્પેસ સ્ટેશન ગયાં હતાં. તેઓ 6 જૂને સ્પેસ સ્ટેશન પહોંચ્યાં હતાં. તેઓ 13 જૂને પરત ફરવાના હતા, પરંતુ નાસાના બોઇંગ સ્ટારલાઇનર અવકાશયાનમાં ટેક્નિકલ ખામીને કારણે તેમના પાછા આવવાનું મોકૂફ રાખવામાં આવ્યું હતું. હવે બંને 2025માં જ પરત ફરે એવી શક્યતા છે.
