ભાજપના પ્રમુખ નડાના પત્નીની ચોરાયેલી કાર વારાણસીથી મળી

ગત મહિને ભાજપના પ્રમુખ જેપી નડ્ડાની પત્નીની ફોર્ચ્યુનર કાર ચોરી થઈ ગઈ હતી. થોડાક જ દિવસી બાદ ફોર્ચ્યુનર કાર વારાણસીથી મળી આવી હતી. આ ફોર્ચ્યુનર 19 માર્ચે દિલ્હીના ગોવિંદપુરી વિસ્તારમાંથી ચોરાઈ ગઈ હતી. ડ્રાઈવરની ફરિયાદ પર પોલીસે ફરિયાદ નોંધી હતી અને ત્યારબાદ પોલીસે કારની તલાશ માટે મોટું ઓપરેશન ચલાવ્યુ હતું.

આ મામલે પોલીસે જણાવ્યું કે, બડકલના રહેવાસી શાહિદ અને શિવાંગ ત્રિપાઠીની આ કારની ચોરી મામલે ધરપકડ કરવામાં આવી છે. આરોપીઓ ક્રેટા કારમાં સવાર થઈને આ કાર ચોરી કરવા માટે આવ્યા હતા. બડકલ લઈ ગયા બાદ તેમણે ફોર્ચ્યુનરની નંબર પ્લેટ બદલી નાખી અને પછી અલીગઢ, લખીમપુર ખેરી, બરેલી, સીતાપુર, લખનઉ થઈને બનારસ પહોંચ્યા હતા.

આરોપીઓ આ કારને નાગાલેન્ડ મોકલવાની ફિરાકમાં હતા. વળી, આ કાર તેમણે ચોરીની કાર ખરીદનારા લોકોની માગ પછી ચોરી હતી. પોલીસે બીજી કેટલી કાર ક્યાંથી ચોરી છે તે બારામાં પણ તપાસ શરૂ કરી છે.