ચેમ્પિયન્સ ટ્રોફીની યજમાની કરી લૂંટાઈ ગયું પાકિસ્તાન !! અધધધ… 869 કરોડનું નુકસાન, ટિકિટનું વેચાણ ઓછું થયું,સ્પોન્સર્સ પણ પૂરતા ન મળ્યા
પાકિસ્તાની આ પ્રજા તે ખેમચે જ ખરાબ હતી પરંતુ હવે ચેમ્પિયન્સ ટ્રોફીની યજમાની કર્યા બાદ પડયા ઉપર પાટું લાગ્યું છે. ચેમ્પિયન્સ ટ્રોફીનું આયોજન કરી પાકિસ્તાન ક્રિકેટ બોર્ડ (પીસીબી)ને એટલું નુકસાન થયું છે જેટલા રૂપિયામાં વિશ્વનું સૌથી માથુ ફાઈટર પ્લેન એફ-૩૫ ખરીદી શકાય ! ચેમ્પિયન્સ ટ્રોફીની યજમાનીને કારણે પીસીબીને ૮૬૯ કરોડ રૂપિયાનું નુકસાન થવા પામ્યું છે.
આશ્ચર્યની વાત તો એ છે કે ૮૬૯ કરોડ રૂપિયાનું નુકસાન ખમીને પાકિસ્તાન ચેમ્પિયન્સ ટ્રોફીમાં માત્ર બે જ મેચ રમી શક્યું હતું. લાહોરમાં રમાયેલી ઓપનિંગ મેચમાં પાકિસ્તાનને ન્યુઝીલેન્ડે હરાવ્યું હતું. આ પછી દુબઈમાં ભારત-પાકિસ્તાન વચ્ચે ટક્કર થઈ હતી જેમાં ભારત વિજેતા બન્યું હતું. બાંગ્લાદેશ વિરુદ્ધ તેનો ત્રીજો મુકાબલો એક પણ બોલ ફેંકાયા વગર વરસાદને કારણે રહ થયો હતો. બે મેચમાં પરાજય બાદ પાકિસ્તાન ટુર્નામેન્ટમાંથી બહાર ફેંકાઈ ગયું હતું એટલા માટે માત્ર એક જ ઘરેલું મેચ રમીને ટીમ બહાર થઈ હતી.
અહેવાલો પ્રમાણે પાકિસ્તાને પોતાના ત્રણ ચેમ્પિયન્સ ટ્રોફી વેન્યુ રાવલપિંડી, લાહોર ને કરાંચીને અપ ટુ ડેટ કરવા માટે ૫૮ મિલિયન ડોલર ખર્ચ કર્યો હતા. આ ખર્ચ બજેટ કરતાં ૫૦% વધુ હતો. બાદમાં પાકિસ્તાન ક્રિકેટ બૉર્ડે પણ કથિત રીતે ટૂર્નામેન્ટની તૈયારીઓ પાછળ ૪૦ મિલિયન અમેરિકી ડોલર ખર્ચ કર્યો હતો પરંતુ આવક બિલકુલ ઓછી થવા પામી હતી. પાકિસ્તાન ક્રિકેટ બોર્ડને આયોજક તરીકે
માત્ર છ મિલિયન અમેરિકી ડોલર મળ્યા હતા. જ્યારે ટિકિટનું વેચાણ અને સ્પોન્સર્સના પણ હાંઙા પડી ગયા હતા.
