છેલ્લા ઘણા દેશના અલગ અલગ રાજ્યોની સ્કૂલોને બોમ્બથી ઉડાવી દેવાની ધમકી આપવામાં આવી રહી છે ત્યારે દિલ્હી, અમદાવાદ બાદ હવે જયપુરની ખાનગી સ્કૂલોને બોમ્બથી ઉડાવી દેવાની ધમકી મળી છે. જયપુરમાં પણ ખાનગી શાળાઓને બોમ્બથી ઉડાવી દેવાની ધમકી બાદ હંગામો થયો હતો. આ ધમકી ઈ-મેલ દ્વારા આપવામાં આવી હતી જે બાદ શાળાઓને ખાલી કરાવવામાં આવી હતી. MPS સ્કૂલના પ્રિન્સિપાલને સૌથી પહેલા ધમકીભર્યો મેલ મળ્યો, ત્યાર બાદ તેમણે તરત જ પોલીસને જાણ કરી. પોલીસ અને એટીએસ કમાન્ડોએ ઘટનાસ્થળે ચાર્જ સંભાળતાની સાથે જ જયપુરમાં જ મહેશ્વરી સ્કૂલ, વિદ્યા આશ્રમ, સેન્ટ ટેરેસા સહિત 8 જેટલી સ્કૂલોને આવો જ મેલ મોકલવામાં આવ્યો હોવાનું જાણવા મળ્યું હતું.
આ ઈ-મેલમાં લખવામાં આવ્યું છે કે, ‘સ્કૂલની બિલ્ડીંગમાં બોમ્બ છે, જે ગમે ત્યારે ફાટી શકે છે’. વહેલી સવારે આ ધમકીભર્યો મેલ વાંચીને હું ચોંકી ગયો હતો. આ પછી, પોલીસે તમામ શાળાઓને ખાલી કરાવી અને તમામ બાળકો અને શિક્ષકોને સલામત સ્થળે લઈ ગયા.
તે જ સમયે, બોમ્બ ડિસ્પોઝલ સ્ક્વોડની સાથે ડોગ સ્કવોડની ટીમે કલાકો સુધી શાળાઓમાં સર્ચ ઓપરેશન ચલાવ્યું હતું પરંતુ હજુ સુધી એક પણ શાળામાંથી કોઈ શંકાસ્પદ વસ્તુ મળી નથી. એવું માનવામાં આવે છે કે આ કોઈ અસામાજિક તત્વનું કૃત્ય છે, જેના પછી હવે સાયબર ટીમ ઈ-મેલ મોકલનારની ઓળખ કરવાનો પ્રયાસ કરી રહી છે.
તમને જણાવી દઈએ કે આ દિવસે 13 મે, 2008ના રોજ જયપુરમાં 8 સીરિયલ બોમ્બ બ્લાસ્ટ થયા હતા, જેમાં 71 લોકોના મોત થયા હતા અને 180થી વધુ લોકો ઘાયલ થયા હતા. આવી સ્થિતિમાં આજે જયપુર બોમ્બ વિસ્ફોટની 17મી વરસી છે અને 2024માં પણ એ વિસ્ફોટોના ઘા રૂઝાયા નથી. આ દરમિયાન જયપુરમાં ફરી એકવાર આતંક મચાવવાની ધમકી અને શાળાઓમાં બાળકોને ટાર્ગેટ કરવાના ઈમેલ બાદ દરેક લોકો ડરી ગયા છે.