‘ મિસ્ટર પ્રાઈમ મિનિસ્ટર તમે મહાન છો !! ‘ ડોનાલ્ડ ટ્રમ્પે વડાપ્રધાન મોદીને આપી આ ખાસ ભેટ, PM મોદી દિલ્હી જવા રવાના
અમેરિકાના રાષ્ટ્રપતિ ડોનાલ્ડ ટ્રમ્પે વડા પ્રધાન નરેન્દ્ર મોદીને એક ખાસ ભેટ આપી હતી. તેમણે પીએમ મોદીને ‘અવર જર્ની ટુગેધર’ નામની કોફી ટેબલ બુક ભેટમાં આપી. તેના પર રાષ્ટ્રપતિ ટ્રમ્પના હસ્તાક્ષર છે અને સંદેશ લખેલો છે, ‘મિસ્ટર પ્રાઈમિનિસ્ટર તમે ગ્રેટ છો.’ આ 320 પાનાનું પુસ્તક છે જેમાં ‘હાઉડી મોદી’ અને ‘નમસ્તે ટ્રમ્પ’ કાર્યક્રમોની ઝલક શામેલ છે. આ સમય દરમિયાન, બંને નેતાઓ ખુલ્લેઆમ એકબીજાને ટેકો આપતા જોવા મળ્યા. 2019 માં હ્યુસ્ટન ફૂટબોલ સ્ટેડિયમ ખાતે ‘હાઉડી મોદી’ રેલી યોજાઈ હતી, જેમાં 50 હજારથી વધુ ભારતીય-અમેરિકનોએ ભાગ લીધો હતો. આ દરમિયાન પીએમ મોદી અને રાષ્ટ્રપતિ ટ્રમ્પ બંનેએ ભાષણો આપ્યા હતા.
‘નમસ્તે ટ્રમ્પ’ કાર્યક્રમ ફેબ્રુઆરી 2020 માં અમદાવાદના વિશ્વના સૌથી મોટા ક્રિકેટ સ્ટેડિયમ ખાતે યોજવામાં આવ્યો હતો. આનાથી ભારત-અમેરિકા સંબંધોને નવી મજબૂતી મળી. રિપોર્ટ અનુસાર, આ પુસ્તક એમેઝોન અને ફ્લિપકાર્ટ ઇન્ડિયાની વેબસાઇટ પર ઉપલબ્ધ છે, જેની કિંમત 6000 રૂપિયા છે. ટ્રમ્પ સ્ટોર પર તેની કિંમત $100 છે. ‘અવર જર્ની ટુગેધર’ ટ્રમ્પના રાષ્ટ્રપતિ કાર્યકાળની યાદગાર ક્ષણો દર્શાવે છે. તેમાં કિમ જોંગ-ઉન, શી જિનપિંગ અને વ્લાદિમીર પુતિન જેવા વૈશ્વિક નેતાઓ સાથેની બેઠકોનો પણ ઉલ્લેખ છે. આ પુસ્તકમાં 2020 ના યાદગાર ફોટોગ્રાફ્સ છે જ્યારે તેમણે તાજમહેલની મુલાકાત લીધી હતી.
અમેરિકાની યાત્રા પૂર્ણ કર્યા પછી, વડાપ્રધાન મોડી ભારત જવા રવાના થયા.
તમને જણાવી દઈએ કે પીએમ મોદી શુક્રવારે તેમની અમેરિકા મુલાકાત પૂર્ણ કરીને ભારત જવા રવાના થયા હતા. આ મુલાકાત દરમિયાન, તેમણે રાષ્ટ્રપતિ ટ્રમ્પ સાથે વેપાર અને ટેકનોલોજી, સંરક્ષણ અને સુરક્ષા, ઊર્જા અને બંને દેશોના લોકો વચ્ચેના સંબંધો સહિતના વિવિધ મુદ્દાઓ પર ઉચ્ચ સ્તરીય દ્વિપક્ષીય વાટાઘાટો કર્યા હતા. મોદી બુધવારે ફ્રાન્સથી અમેરિકા પહોંચ્યા. ગયા મહિને બીજા કાર્યકાળ માટે યુએસ પ્રમુખ તરીકે પદ સંભાળ્યા પછી રિપબ્લિકન નેતાએ પ્રથમ દ્વિપક્ષીય વાટાઘાટોનું આયોજન કર્યું હતું. વાટાઘાટો દરમિયાન, ભારત અને અમેરિકાએ સંરક્ષણ, ઉર્જા અને મહત્વપૂર્ણ ટેકનોલોજી સહિત અનેક મુખ્ય ક્ષેત્રોમાં તેમના વ્યૂહાત્મક સંબંધોને વિસ્તૃત કરવા માટે એક મોટી છલાંગ લગાવવાનો નિર્ણય કર્યો. બંને પક્ષોએ પરસ્પર હિતના પ્રાદેશિક અને આંતરરાષ્ટ્રીય વિકાસ પર પણ વિચારોનું આદાન-પ્રદાન કર્યું.
