મિર્ઝાપુરના ગુડ્ડુ ભૈયા ફરી એકવાર મચાવશે ધમાલ : પ્રાઇમ વિડિયોએ નવી સિરીઝ ‘રાખ’ની કરી જાહેરાત, અલી ફઝલનો ફર્સ્ટ લૂક રિલીઝ
મિર્ઝાપુર સિરીઝથી કહું જ ફેમસ થનારા ગુડ્ડુભૈયા ફરી એકવાર ધમાલ મચાવવા આવી રહ્યા છે. પ્રાઇમ વિડિયોએ ‘રાખ’ નામની બીજી રસપ્રદ સિરીઝની જાહેરાત કરી છે. આ એક ક્રાઇમ થ્રિલર સિરીઝ છે, જેમાં ગુના અને ન્યાય વચ્ચેની માનસિક જટિલતાઓ બતાવવામાં આવશે.આ સિરીઝની સ્ટોરી ખુબ જ દમદાર છે. પ્રોડયુઝ એન્ડેમોલશાઈન ઈન્ડિયા અને ગુલબદન ટોકીઝ દ્વારા કરવામાં આવ્યું છે. પ્રોસિત રોયે દિગ્દર્શન સંભાળ્યું છે. તે જ સમયે, તેનું નિર્માણ, લેખન અને સહ-દિગ્દર્શન અનુષા નંદકુમાર અને સંદીપ સાકેત દ્વારા કરવામાં આવ્યું છે. સંવાદો આયુષ ત્રિવેદી દ્વારા લખવામાં આવ્યા છે.
મિર્ઝાપુરમાં ગોળીઓ ચલાવનાર ગુડ્ડુ ભૈયા હવે પોલીસ અધિકારી બનવા જઈ રહ્યો છે. પ્રાઈમ વિડીયોની ધમાકેદાર સિરીઝ ‘રાખ’માં સોનાલી બેન્દ્રે અને આમિર બશીર અલી ફઝલ સાથે મુખ્ય ભૂમિકામાં જોવા મળશે. આ શ્રેણીનું નામ રાખ છે. આ એક ઇન્વેસ્ટિગેટિવ ક્રાઇમ થ્રિલર છે.
સિરીઝની કાસ્ટ
હવે જો આપણે કલાકારોની વાત કરીએ તો, તે ખરેખર શક્તિશાળી છે. આ શ્રેણીમાં અલી ફઝલ, સોનાલી બેન્દ્રે અને આમિર બશીર મુખ્ય ભૂમિકામાં હશે. આ ત્રણેયના નામ ગેરંટી આપે છે કે પ્રદર્શન અદ્ભુત રહેશે. સૌથી રસપ્રદ વાત એ છે કે ‘રાખ’ વર્ષ 2026 માં પ્રાઇમ વિડિયો પર રિલીઝ થશે અને 240 થી વધુ દેશો અને પ્રદેશોમાં એકસાથે સ્ટ્રીમ થશે.
‘રાખ’ ક્યારે રિલીઝ થશે
‘રાખ’ની રિલીઝ તારીખ જાહેર કરવામાં આવી નથી, પરંતુ તે 2026 માં પ્રાઇમ વિડીયો પર રિલીઝ થશે અને 240 થી વધુ દેશો અને પ્રદેશોમાં એક સાથે સ્ટ્રીમ થશે. શ્રેણીનું પોસ્ટર બહાર આવ્યું છે જેમાં અલી ફઝલ પોલીસ અધિકારીના પોશાકમાં જોવા મળે છે. ત્યારબાદ લોકોમાં તેના વિશે ઉત્સાહ વધુ વધી ગયો છે. પ્રાઇમ વિડીયોએ અલીનો લુક શેર કર્યો અને લખ્યું – ‘JUSTICE will rise from the ashes .’
આ પણ વાંચો : હવે પ્રધાનમંત્રી મોદી આ કાર્યાલયમાંથી કામ કરશે, 78 વર્ષ બાદ બદલાઇ જશે PMOની તસવીર! જાણો PMOનું નવું સરનામું
તમને જણાવી દઈએ કે તાજેતરમાં જ પ્રાઇમ વિડિયો પર બીજી એક મૂળ શ્રેણી ‘અંધેરી’ રિલીઝ થઈ છે. આ એક હોરર શ્રેણી છે જેને લોકો ખૂબ પસંદ કરી રહ્યા છે. સુરવીન ચાવલા, પ્રાજક્તા કોલી સહિત ઘણા કલાકારો તેમાં મહત્વપૂર્ણ ભૂમિકાઓ ભજવતા જોવા મળ્યા છે. આ શ્રેણીને લોકો તરફથી સારો પ્રતિસાદ મળી રહ્યો છે.
