મેલોનીએ મન મોહી લીધું ? મસ્કે કહ્યું ના.. ભઇ ના, કાઇ લફરુ નથી, અમસ્તા ભેગા થઈ ગયા !
વિશ્વના સૌથી ધનિક વ્યક્તિ એલોન મસ્ક મોટાભાગે કોઈને કોઈ કારણસર હેડલાઈન્સમાં રહે છે. ફરી એકવાર એલોન મસ્ક હેડલાઇન્સમાં છે. પરંતુ આ વખતે તેઓ એકલા નથી પરંતુ તેમની સાથે ઈટાલીના વડાપ્રધાન જ્યોર્જિયા મેલોની પણ સામેલ છે. વાસ્તવમાં, બંને લોકોની કેટલીક તસવીરો સોશિયલ મીડિયા પર વાયરલ થઈ હતી. આ તસવીરોમાં મસ્ક અને જ્યોર્જિયા મેલોની સાથે જોવા મળે છે. જ્યારથી આ તસવીર વાયરલ થઈ છે ત્યારથી દુનિયાભરમાં એવી અટકળો લગાવવામાં આવી રહી છે કે બંને લોકો એકબીજાને ડેટ કરી રહ્યાં છે.
મસ્ક અને જ્યોર્જિયા બંને એક ટેબલ પર બેઠા છે અને એકબીજાને જોઈ રહ્યા છે. સોશિયલ મીડિયા પર આ તસવીરો વાયરલ થતાં જ અટકળોનું બજાર ગરમ થઈ ગયું હતું. લોકો વિચારવા લાગ્યા કે બંને એકબીજાને ડેટ કરી રહ્યાં છે.
ડેટિંગની અટકળોને ધ્યાનમાં રાખીને, આખરે મસ્કે આ વાયરલ તસવીરો અને ડેટિંગ અંગે જવાબ આપ્યો. મસ્કે કહ્યું કે અમે બંને ડેટિંગ નથી કરી રહ્યા. વાસ્તવમાં, આ તસવીરો મંગળવારે ન્યૂયોર્કમાં એક એવોર્ડ સમારોહની છે. જ્યાં બંને લોકો પહોંચી ગયા હતા. તસવીરો પણ એવી રીતે વાયરલ થઈ રહી છે કે લોકો વિચારી રહ્યા છે કે બંને ડેટ કરી રહ્યાં છે.
