ઈન્ડિયા ગઠબંધનની બેઠકમાં મમતા બેનરજી નહીં જાય

મીડિયા સામે કરી ચોખવટ: કહ્યું, દિલથી હાજર રહીશ

ઈન્ડિયા ગઠબંધનની બેઠક 1 લી જૂને દિલ્હીમાં બોલાવવામાં આવી છે અને તેના માટે બધા જ નેતાઓને આમંત્રણ પણ આપી દેવાયા હતા પણ બંગાળના મુખ્યમંત્રી મમતા બેનરજીએ સોમવારે એમ જાહેર કર્યું હતું કે પોતે આ બેઠકમાં હાજર રહી શકશે નહીં. મમતાએ તેનું કોઈ કારણ જાહેર કર્યું નથી.

મમતાએ મીડિયાને એમ કહ્યું હતું કે હું દિલથી બેઠકમાં હાજર રહીશ. હવે આ બારામાં એવા અનુમાનો કરાઇ રહ્યા છે કે ઈન્ડિયા ગઠબંધનના નેતાઓ સાથે અનેક મુદ્દે મમતાને મતભેદો છે અને તે વધી ગયા હોય તેમ બની શકે છે.

ગઠબંધનની બેઠકમાં મહત્વની ચર્ચા થશે તેમ જાહેર થયું હતું ત્યારે બધા જ ટોચના નેતાઓ તેમાં હાજર રહેવાના છે પણ મમતા ગેરહાજર રહેવાના છે તેને રાજકીય વિવેચકો શંકાની નજરે જોઈ રહ્યા છે.