મમતા બેનરજીને કાર અકસ્માતમાં મામૂલી ઇજા

પશ્ચિમ બંગાળના મુખ્યમંત્રી અને તૃણમૂલ કોંગ્રેસના વડા મમતા બેનર્જી બુધવારે કાર અકસ્માતમાં ઘાયલ થયા હતા. જો કે તેમને સામાન્ય ઈજા થઈ હતી. મમતા બેનર્જીની કાર અન્ય વાહનને ટક્કર ન મારે તે માટે અચાનક રોકી દેવામાં આવી હતી. જેના કારણે આ અકસ્માત થયો હતો.
આ અકસ્માત બર્ધમાનથી કોલકાતા પરત ફરતી વખતે થયો હતો. બેનર્જીના કાફલાની સામે અચાનક બીજી કાર આવી અને તેમની કારે તરત બ્રેક લગાવી હતી અને મમતનું માથું આગળની સીટ સાથે ભટકાઈ ગયું હતું.

કોંગ્રેસના મહાસચિવ જયરામ રમેશે કહ્યું હતું કે અમે સાંભળ્યું છે કે મમતા બેનર્જી કાર અકસ્માતમાં ઘાયલ થયા છે. અમે તે ઝડપથી સ્વસ્થ થાય તેવી પ્રાર્થના કરીએ છીએ. તેમણે વધુમાં કહ્યું કે ભારત જોડો ન્યાય યાત્રા ગુરુવાર (25 જાન્યુઆરી) સવારે પશ્ચિમ બંગાળમાં પ્રવેશ કરશે.