કોંગોમાં મોટી દુર્ઘટના : ફૂટબોલ ખેલાડીઓથી ભરેલી બોટ નદીમાં પલટી જતાં 25 લોકોના નિપજ્યાં મોત
દક્ષિણ-પશ્ચિમ કોંગોમાં મોટી દુર્ઘટના સર્જાઇ હતી. હોડી પલટી જતાં અનેક ફૂટબોલ ખેલાડીઓ સહિત 25 લોકોના મોત થયા છે. આ કિસ્સામાં, વહીવટીતંત્રે જણાવ્યું હતું કે ખેલાડીઓ મેચ રમીને બોટ દ્વારા પરત ફરી રહ્યા હતા, ત્યારે બોટ પલટી ગઈ અને એક મોટો અકસ્માત થયો, જેમાં 25 લોકોના મોત નિપજ્યાં છે. આ અકસ્માત અંગે પ્રાંતીય પ્રવક્તા એલેક્સિસ મ્પુટુએ માહિતી આપી હતી કે ખેલાડીઓ રવિવારે રાત્રે માઈ-ન્દોમ્બે પ્રાંતના મુશી શહેરમાં મેચ રમીને પરત ફરી રહ્યા હતા. પરત ફરતી વખતે, તેઓ હોડીમાં મુસાફરી કરી રહ્યા હતા અને તે દરમિયાન તેમને લઈ જતી હોડી ક્વા નદીમાં પલટી ગઈ હતી.
30 લોકોને બચાવાયા
પ્રાંતીય પ્રવક્તા એલેક્સિસ મ્પુટુએ જણાવ્યું હતું કે, ખેલાડીઓ રવિવારે રાત્રે માઈ-ન્દોમ્બે પ્રાંતના મુશી શહેરમાં એક મેચમાંથી પરત ફરી રહ્યા હતા ત્યારે તેમને લઈ જતી હોડી ક્વા નદીમાં પલટી ગઈ હતી. મ્પુટુએ કહ્યું કે, મોડી રાત્રે ઓછું દેખાવના કારણે ઘટના બની હોવાની સંભાવના છે. મુશી વિસ્તારના સ્થાનિક વહીવટકર્તા રેનેકલ ક્વાટીબાએ જણાવ્યું હતું કે ઓછામાં ઓછા 30 અન્ય લોકોને બચાવી લેવામાં આવ્યા હતા.
કોંગોની નદીઓ 10 કરોડથી વધુ લોકો માટે પરિવહનનું મુખ્ય માધ્યમ
મધ્ય આફ્રિકન દેશમાં બોટ અકસ્માતોની ઘટના સામાન્ય બની ગઈ છે, જ્યાં મોડી રાતની મુસાફરી અને ઓવરલોડિંગને ઘણીવાર જવાબદાર ગણવામાં આવે છે. અધિકારીઓ બોટિંગ નિયમો લાગુ કરવામાં સંઘર્ષ કરી રહ્યા છે. કોંગોની નદીઓ 10 કરોડથી વધુ લોકો માટે પરિવહનનું મુખ્ય માધ્યમ છે. અહીં માળખાકીય સુવિધાઓનો અભાવ છે, જેના કારણે અહીં અનેક વખત હોડી પલટી જવાની ઘટનાઓ બનતી રહે છે, જેમાં અનેક લોકોના મોત થયા રહે છે.
