બજેટમાં નિર્મલા સીતારમણે તમને ટેક્સ મામલે ઝટકો આપ્યો કે રાહત !! વાંચો

નાણામંત્રી નિર્મલા સીતારમણે આજે (23 જુલાઈ) મોદી 3.0નું પ્રથમ બજેટ રજૂ કર્યું હતું. બજેટમાં નાણામંત્રીએ અનેક મહત્વપૂર્ણ જાહેરાતો કરી હતી જેમાં ઉત્પાદનો પર ટેક્સ વધારવા અને ઘટાડવાથી લઈને અનેક બાબતોનો સમાવેશ થાય છે તો ચાલો જાણીએ બજેટમાં ટેક્સને લઈને શું બદલાવ આવ્યા .

નવી આવકવેરા પ્રણાલી પસંદ કરનારાઓને કેન્દ્ર સરકારે ભેટ આપી છે અને ₹7 લાખ સુધીની કરપાત્ર આવક પર માત્ર 5 ટકા આવકવેરો ચૂકવવો પડશે. અગાઉ, ₹6 લાખ સુધીની આવક પર માત્ર 5% ટેક્સ ચૂકવવો પડતો હતો અને ₹6 લાખથી ₹9 લાખની વચ્ચેની આવક પર 10% ટેક્સ ચૂકવવો પડતો હતો. આ ઉપરાંત, નવી કર વ્યવસ્થા એટલે કે એનટીઆરનો વિકલ્પ પસંદ કરતા કરદાતાઓ માટે પ્રમાણભૂત કપાત પણ ₹50,000 થી વધારીને ₹75,000 કરવામાં આવી છે.

કેન્દ્રીય નાણાં પ્રધાન નિર્મલા સીતારમણે સામાન્ય બજેટ 2024-25 રજૂ કરતી વખતે નવા ટેક્સ સ્લેબની જાહેરાત કરી હતી. હવે NTR હેઠળ આવકવેરાની ગણતરી કરતા કરદાતાઓએ પહેલાની જેમ શૂન્યથી ₹3 લાખ સુધીની આવક પર કોઈ ટેક્સ ચૂકવવો પડશે નહીં. ₹3 લાખથી ₹7 લાખ સુધીની આવક પર 5% ટેક્સ લાગશે, ₹7 લાખથી ₹10 લાખ સુધીની આવક પર 10% ટેક્સ લાગશે, ₹10 લાખથી ₹12 લાખ સુધીની આવક પર 15% ટેક્સ લાગશે, ₹20 ₹12 લાખથી ₹15 લાખની વચ્ચેની આવક પર % ટેક્સ ચૂકવવો પડશે અને પહેલાની જેમ ₹15 લાખથી વધુની આવક પર 30% ટેક્સ ચૂકવવો પડશે.

સ્ટાન્ડર્ડ ડિડક્શનમાં વધારાની આ જાહેરાતથી નવા કરવેરાની વ્યવસ્થા હેઠળ કર ચૂકવનારા કોઈપણ કરદાતાની કરપાત્ર આવકમાં રૂ. 25,000નો ઘટાડો થશે, પરિણામે આરોગ્ય અને શિક્ષણ ઉપકર સહિત આવકવેરામાં રૂ. 1,300નો ઘટાડો થશે. આ ઉપરાંત, સ્લેબમાં ફેરફારને કારણે, કરદાતાએ ₹1 લાખની આવક પર 10%ને બદલે 5% આવકવેરો ચૂકવવો પડશે, જેના કારણે તેણે આરોગ્ય અને શિક્ષણ ઉપકર સહિત ₹5,200 ઓછો આવકવેરો ચૂકવવો પડશે. .