જીપ ચાલકોને દરિયા કિનારે સ્ટંટ કરવો ભારે પડ્યો

કચ્છમાં ભદ્રેશ્વરના રાઘ બંદર પાસે દરિયા કિનારે બે જીપ ચાલકોને સ્ટંટ કરવો ભારે પડ્યો હતો. દરિયા કિનારે રેતીમાં બંને જીપ ફસાઈ ગઈ હતી અને મહા મુશ્કેલીથી ગ્રામજનોની મદદથી આ જીપ બહાર કાઢવામાં આવી હતી.આ ઘટનાનો વિડીયો વાઈરલ થતા જ મુન્દ્રાની મરીન પોલીસ એક્શનમાં આવી હતી અને બંને જીપ ચાલક સામે આઈ.પી.સી. ૨૭૯, ૧૧૪, અને મોટર વાહન કાયદાની કલમ ૧૭૭ અને ૧૮૪ અંતર્ગત ગુનો દાખલ કર્યો હતો. ઈન્સ્ટાગ્રામ ઉપર નીજલો નામના આઈ.ડી. ઉપર આ વિડીયો વાઈરલ થયો હતો.