જસપ્રીત બુમરાહે બે દિવસમાં બે મોટી સિધ્ધી હાંસલ કરી : ‘ICC ટેસ્ટ પ્લેયર’ બાદ હવે બુમરાહ ‘ક્રિકેટર ઓફ ધ યર’ બન્યો
જસપ્રિત બુમરાહને સોમવારે (27 જાન્યુઆરી 2025) વર્ષ 2024 માટે શ્રેષ્ઠ ટેસ્ટ ક્રિકેટર તરીકે જાહેર કરવામાં આવ્યો હતો ત્યારે આજે બુમરાહને (28 જાન્યુઆરી) ‘ICC મેન્સ ક્રિકેટર ઓફ ધ યર’ તરીકે પસંદ કરવામાં આવ્યો છે. 31 વર્ષીય આ ઝડપી બોલરે ઈંગ્લેન્ડ અને બાંગ્લાદેશ સામેની ઘરઆંગણે ટેસ્ટ શ્રેણીમાં ભારતની સફળતામાં મહત્વપૂર્ણ યોગદાન આપ્યું હતું. એટલું જ નહીં, તેમણે દેશને બીજી વખત T20 ચેમ્પિયન બનાવવામાં પણ મહત્વપૂર્ણ ભૂમિકા ભજવી હતી. જેના માટે તેમને ‘ICC મેન્સ ક્રિકેટર ઓફ ધ યર એવોર્ડ’ એનાયત કરવામાં આવ્યો છે.
બુમરાહને હેડ અને રૂટ જેવા ખેલાડીઓ તરફથી સ્પર્ધા મળી હતી.
તમને જાણીને નવાઈ લાગશે કે પ્રતિષ્ઠિત સર ગારફિલ્ડ સોબર્સ એવોર્ડ (ICC મેન્સ ક્રિકેટર ઓફ ધ યર એવોર્ડ) માટે, બુમરાહ ઓસ્ટ્રેલિયન સ્ટાર બેટ્સમેન ટ્રેવિસ હેડ તેમજ ઇંગ્લિશ અનુભવી બેટ્સમેન જો રૂટ અને હેરી બ્રુક સાથે સ્પર્ધામાં હતો. પરંતુ અહીં તે તે દિગ્ગજોને હરાવવામાં અને પ્રતિષ્ઠિત પુરસ્કાર જીતવામાં સફળ રહ્યો.
???? Boom Boom Boomrah ????
— BCCI (@BCCI) January 28, 2025
A phenomenal year with the ball calls for the highest honour!@Jaspritbumrah93 is awarded the Sir Garfield Sobers Award for ICC Men's Cricketer of the Year ????????
Congratulations Jasprit for the ultimate honour!#TeamIndia pic.twitter.com/S4DMcH30mJ
આ દિગ્ગજોએ ભારત માટે સર ગારફિલ્ડ સોબર્સ એવોર્ડ જીત્યો
અત્યાર સુધીમાં, ભારતના કુલ પાંચ ખેલાડીઓએ સર ગારફિલ્ડ સોબર્સ એવોર્ડ જીત્યો છે. જેમાં રાહુલ દ્રવિડ, સચિન તેંડુલકર, રવિચંદ્રન અશ્વિન, વિરાટ કોહલી અને જસપ્રીત બુમરાહના નામ શામેલ છે.
ભૂતપૂર્વ કેપ્ટન દ્રવિડે વર્ષ 2004 માં પ્રથમ વખત આ એવોર્ડ જીત્યો હતો. ત્યારબાદ 2010માં સચિન તેંડુલકર, 2016માં રવિચંદ્રન અશ્વિન, 2017 અને 2018માં વિરાટ કોહલી અને હવે જસપ્રીત બુમરાહ પોતાના નામે કરવામાં સફળ રહ્યા છે.
- ૨૦૦૪ – રાહુલ દ્રવિડ
- ૨૦૧૦ – સચિન તેંડુલકર
- ૨૦૧૬ – રવિચંદ્રન અશ્વિન
- ૨૦૧૭ અને ૨૦૧૮ – વિરાટ કોહલી
- ૨૦૨૪ – જસપ્રીત બુમરાહ
