Israel Iran War Effect : ઈરાન-ઇઝરાયલ યુધ્ધથી ભારત સહિત વિશ્વમાં વધી શકે છે મોંઘવારી, LPGની તંગીનો ભય
જો ઈરાન દ્વારા હોર્મુઝ સ્ટ્રેટ બંધ થાય છે, તો ક્રૂડ ઓઈલનો ભાવ પણ $130 પ્રતિ બેરલ સુધી પહોંચી શકે છે. આનો અર્થ એ છે કે વિશ્વના તે દેશો જે મોટા પ્રમાણમાં ક્રૂડ ઓઈલ આયાત કરે છે તેમને ફટકો પડશે. જેમાં ભારતનું નામ મુખ્ય રીતે લઈ શકાય છે. ભારત તેની ક્રૂડ ઓઈલની જરૂરિયાતના 85 થી 90 ટકા આયાત કરે છે.
જો કે કેન્દ્રીય મંત્રી હરદીપ સિંઘ પૂરીએ એમ જાહેર કર્યું છે કે ભારતની પાસે પૂરતો સ્ટોક છે. ક્રૂડ માટે આપણી પાસે ઘણા બીજા સોર્સ પણ છે. અન્ય એક અહેવાલ મુજબ દેશમાં એલપીજીની ઘટ પડવાનું પણ જોખમ છે. 16 દિવસનો જ સ્ટોક હોવાનું બહાર આવ્યું છે. જો ક્રૂડના ભાવ સળગે તો અન્ય દેશોની જેમ દેશમાં પણ મોંઘવારી વધી જવાનો ભય છે તેમ બજારના નિષ્ણાતોએ જણાવ્યું છે.
ક્રૂડ ઓઈલના ભાવ કેટલા હોઈ શકે છે ?
નિષ્ણાતો આગાહી કરે છે કે ક્રૂડ ઓઇલના ભાવ પ્રતિ બેરલ $80 ની આસપાસ ખુલશે અને સંભવિતપણે $100 થી ઉપર જશે, જો સ્ટ્રેટ ઓફ હોર્મુઝ બંધ થાય તો કિંમતો સૌથી ખરાબ સ્થિતિમાં $130 થી ઉપર પહોંચવાની ધારણા છે. જૂનમાં અત્યાર સુધીમાં ક્રૂડ ઓઇલના ભાવ 24 ટકા વધીને $77 પ્રતિ બેરલ થયા છે. જ્યારે મે મહિનામાં ક્રૂડ ઓઇલના ભાવમાં 4 ટકાનો વધારો જોવા મળ્યો છે.
આ પણ વાંચો : રાજકોટમાં 18.95 લાખની ચોરીના ડિટેકશનમાં સાચું કોણ, DCB કે LCB ? વાંચો શું છે સમગ્ર મામલો
સ્ટ્રેટ ઓફ હોર્મુઝ – એક વ્યૂહાત્મક ચોકપોઇન્ટ જે વૈશ્વિક તેલ પુરવઠાના લગભગ 20 ટકાને સંભાળે છે – હવે ચિંતાનું કારણ બની ગયું છે. તેનું એક કારણ છે. બજારો સંભવિત સપ્લાય વિક્ષેપની અપેક્ષા રાખી રહ્યા છે. એક્સિસ સિક્યોરિટીઝના અક્ષય ચિંચલકરે એક મીડિયા રિપોર્ટમાં જણાવ્યું હતું કે બ્રેન્ટ ક્રૂડ છેલ્લા ત્રણ અઠવાડિયામાં વધ્યું છે અને સપ્ટેમ્બર 2023 ના ઉચ્ચતમ $97 થી મુખ્ય ટ્રેન્ડલાઇનનું પરીક્ષણ કરી રહ્યું છે.
