ઇઝરાયેલે યુકેના બે મહિલા સાંસદોને એરપોર્ટ પરથી જ પરત વળાવી દીધા
ઇઝરાયેલની મુલાકાતે ગયેલા બે બ્રિટિશ મહિલા સાંસદોને એરપોર્ટ પરથી જ પરત મોકલી દેવામાં આવતા ભારે વિવાદ થયો છે.યુકે સરકારે આવું ઘોર અપમાન અને બ્રિટનના સાંસદો સાથેના આવો વહેવાર સ્વીકાર્ય ન હોવાનું જણાવી વિરોધ નોંધાવ્યો હતો.
પ્રાપ્ત વિગતો મુજબ બ્રિટિશ પ્રતિનિધિમંડળ સાથે ગયેલા શાસક લેબર પાર્ટીના યુઆન યાંગ અને એબટીસામ નામના બે મહિલા સાંસદોને ઈઝરાયેલી સતાવાળાઓએ એરપોર્ટ પર જ અટકાયતમાં લઈ પૂછપરછ કરી હતી.એ બન્ને સાંસદો ઈઝરાયેલી સુરક્ષા દળોની ગતિવિધિઓ ચકાસવાનો તેમજ ઇઝરાયેલ સામે નફરત ફેલાવવાનો ઇરાદો ધરાવતા હોવાનો આક્ષેપ કરવામાં આવ્યો હતો . આ ઘટનાના ઘેરા પ્રત્યાઘાત પડ્યા હતા અને બ્રિટને રાજદ્વારી રાહે વિરોધ નોંધાવ્યા બાદ બંનેને મુક્ત કરી પરત રવાના કરી દેવાયા હતા.
