ધનુષ અને મૃણાલ ઠાકુર વચ્ચે ઇલુ-ઇલુ? બન્નેનો વીડિયો ખૂબ વાયરલ થતા ડેટિંગની અફવાએ જોર પકડ્યું
‘સન ઓફ સરદાર-2’ અભિનેત્રી મૃણાલ ઠાકુર તેના પ્રેમ જીવન માટે સમાચારમાં છે. અભિનેતા ધનુષ સાથેનો તેનો એક વીડિયો વધુને વધુ વાયરલ થઈ રહ્યો છે. આમાં, ઘનુષ મૃણાલનો હાથ પકડીને બેઠો છે અને તે એક પાર્ટીની વાત કહેવામાં આવી રહી છે. જ્યાં ધનુષ અને મૃણાલ સાથે સારો સમય વિતાવતા જોવા મળ્યા હતા.
આ કારણે, તેમના ડેટિંગની અફવાઓએ જોર પકડયું છે. ધનુષ અને મૃણાલનો આ વીડિયો 1 ઓગસ્ટનો કહેવામાં આવી રહ્યો છે. ધનુષે મૃણાલના જન્મદિવસની પાર્ટીમાં હાજરી આપી હતી અને તે જ પાર્ટીનો આ વીડિયો સોશિયલ મીડિયા પર ખૂબ જ ચર્ચામાં છે. આ વીડિયોમાં, ધનુષ મૃણાલનો હાથ પકડીને વાત કરતો જોવા મળે છે. મૃણાલ ધનુપના કાનમાં કંઈક ફફડાટ કરતી જોઈ શકાય છે, જે ચાહકો તરફથી વધુ પ્રશ્નો ઉભા કરી રહી છે. ધનુષ “સન ઓફ સરદાર-ર”ને સ્પેશિયલ સ્ક્રીનિગમાં હાજરી આપવા માટે મુંબઈ જતો પણ જોવા મળ્યો હતો. આ કાર્યક્રમનો એક વીડિયો એક્સ (અગાઉ ટ્વિટર) પર ઘણો શેર કરવામાં આવ્યો હતો.
Dhanush and Mrunal Thakur are dating? pic.twitter.com/ItWYJdsm8a
— Aryan (@Pokeamole_) August 3, 2025
ધનુષ અને મૃણાલ સતત સાથે જોવા મળ્યા
જુલાઈ 2025ની શરૂઆતમાં ધનુષે આનંદ એલ રાયની ફિલ્મ તેરે ઇશ્ક મેંનું શૂટિંગ પૂર્ણ કર્યું અને રેપ-અપ પાર્ટીમાં જોવા મળ્યો હતો. આ રેપ-અપ પાર્ટીમાં તમન્ના ભાટિયા, ભૂમિ પેડનેકર, કનિકા ધિલ્લોન અને મનરિલ ઠાકુર જોવા મળ્યા હતા. ત્યાર બાદ ધનુષ અને મૃણાલ કાજોલની ફિલ્મ ‘મા’ ના સ્ક્રીનિંગમાં જોવા મળ્યા હતા.
ત્યારબાદ બંને ફિલ્મ ‘સન ઓફ સરદાર’ના પ્રીમિયરમાં સાથે જોવા મળ્યા હતા. મૃણાલ ‘સન ઓફ સરદાર’માં મુખ્ય ભૂમિકામાં છે. તમને જણાવી દઈએ કે ધનુષ અને મૃણાલના અફેરના સમાચાર અંગે કોઈ સત્તાવાર પુષ્ટિ થઈ નથી. મૃણાલ કે ધનુષ બંનેમાંથી કોઈએ આ અંગે કોઈ પ્રતિક્રિયા આપી નથી.
આ પણ વાંચો : કંપાવી દેનારા ઉત્તરાખંડના દ્રશ્યો : 34 સેકેન્ડમાં હોટલ-ઘર તણખલાંની જેમ તણાયાં, વિડીયોમાં જુઓ ધરાલીના અત્યંત ભયાવહ દ્રશ્યો
તમને જણાવી દઈએ કે ધનુષ છૂટાછેડા લીધેલ છે. તેમના પહેલા લગ્ન સુપરસ્ટાર રજનીકાંતની પુત્રી ઐશ્વર્યા સાથે થયા હતા. તેમના લગ્ન 18 વર્ષ સુધી ચાલ્યા અને પછી તેમના છૂટાછેડા થઈ ગયા હતા. મૃણાલ હાલમાં ફિલ્મ સન ઓફ સરદારમાં જોવા મળી રહી છે. આ ફિલ્મમાં અજય દેવગન અને રવિ કિશન મુખ્ય ભૂમિકામાં છે.
