ઈરાન ગમે તે ઘડીએ કરશે સરેન્ડર: G-7 બેઠકમાં ડોનાલ્ડ ટ્રમ્પે કર્યો મોટો દાવો, જો કે ઈરાન તો યુદ્ધ વધુ તીવ્ર કરવાના મૂડમાં
અમેરિકા–ઈઝરાયેલ અને ઈરાન વચ્ચે ચાલી રહેલા યુદ્ધ વચ્ચે અમેરિકાના રાષ્ટ્રપતિ ડોનાલ્ડ ટ્રમ્પે જી–7 દેશોના નેતાઓ સાથેની વર્ચ્યુઅલ બેઠક દરમિયાન, ઈરાન હવે ગમે તે ઘડીએ શરણે આવવાની હાલતમાં હોવાનો દાવો કર્યો હતો. ‘એક્સિઓસ’ના અહેવાલ મુજબ ટ્રમ્પે કહ્યું હતું કે તેહરાનમાં હવે યુદ્ધ ચાલુ રાખવું કે નહીં તે નક્કી કરી શકે તેવા મોટા અધિકારીઓ પણ જીવિત નથી, તેથી ઈરાનની તરફથી શરણે આવવાની જાહેરાત કરનાર કોઈ નેતૃત્વ બચ્યું નથી.
જો કે ટ્રમ્પના આ દાવા પછી લગભગ 24 કલાકમાં જ ઈરાનના નવા સર્વોચ્ચ નેતા મોજ્તબા ખામેનેઈએ પોતાનું પ્રથમ જાહેર નિવેદન આપીને સ્પષ્ટ કર્યું કે પાછળ હટવાનો પ્રશ્ન જ નથી. ઈરાની રાજ્ય ટેલિવિઝન પર વાચવામાં આવેલા નિવેદનમાં ખામેનેઈએ સંપૂર્ણ બદલો લેવાઈ ન જાય ત્યાં સુધી લડત ચાલુ રહેશે તેવો સ્પષ્ટ સંદેશો આપ્યો હતોં.
બીજી તરફ યુદ્ધના 14મા દિવસે ઈરાન તરફથી શરણે આવવાના કોઈ સંકેત જોવા મળતા નથી. તેના બદલે ઈરાન આંતરરાષ્ટ્રીય દબાણ વધારવા માટે વ્યૂહાત્મક હોર્મુઝની ખાડી બંધ કરવાની ધમકી આપીને પોતાની પકડ મજબૂત કરવાનો પ્રયાસ કરી રહ્યું હોવાનું જણાઈ રહ્યું છે.
આ પણ વાંચો:સુરત ફેમિલી કોર્ટમાં છુટાછેડાના કેસ માટે આવેલ પત્ની પર એસિડ એટેક કરી પતિનો આપઘાતનો પ્રયાસ, બંનેને સારવાર માટે ખસેડાયા
ખામેનેઈએ અનેક ચેતવણીઓ આપી છે અને સ્પષ્ટ સંકેત આપ્યો છે કે ઈરાન લડત વધુ તીવ્ર બનાવવાના મૂડમાં હોવાના સ્પષ્ટ સંકેત આપ્યા છે ત્યારે ટ્રમ્પના શરણે આવવાના દાવા અને ઈરાનના કડક વલણ વચ્ચે હાલ મધ્ય પૂર્વની સ્થિતિ વધુ અનિશ્ચિત બની રહી છે.
