ભારતના સૌથી મોંઘા છુટાછેડા! જોહોના CEO શ્રીધર વેમ્બુના 28 વર્ષના લગ્નજીવનનો અંત: 15,323 કરોડ જમા કરાવવા કોર્ટનો આદેશ
ઝોહો કોર્પોરેશનનાં માલિક શ્રીધર વેમ્બુ અને તેની પત્ની પ્રમિલા શ્રીનિવાસનના છુટાછેડા થયા છે અને અમેરિકાની કોર્ટે શ્રીધર વેમ્બુને 1.7 અમેરિકી અબજ અમેરિકી ડોલર બોન્ડ તરીકે જમા કરાવવાનો આદેશ આપ્યો છે. ભારતના આ સૌથી મોંઘા છૂટાછેડા હોવાનું માનવામાં આવે છે.
લગ્નના 28 વર્ષ બાદ આ દંપતીએ છૂટાછેડા લેવાનો નિર્ણય કર્યો છે. જેનું કારણ શ્રીધર વેમ્બુની કંપની છે. પત્ની પ્રમિલા શ્રીનિવાસન સાથે અમેરિકાના કેલિફોર્નિયા સ્થાયી થઈને લગ્નજીવનની શરૂઆત કરી હતી. 1996માં શ્રીધર વેમ્બુએ પોતાના પાર્ટનર્સ સાથે મળીને એડવેંટનેટ નામની એક સોફ્ટવેર ડેવલપમેન્ટ કંપની શરૂ કરી હતી. 2009માં આ કંપનીનું નામ બદલીને Zoho કોર્પોરેશન કરવામાં આવ્યું હતું. જોકે, કેલિફોર્નિયમાં લગભગ ત્રણ દાયકા સુધી રહ્યા બાદ શ્રીધર વેમ્બુ 2019માં ભારત પાછા ફર્યા હતા. તેઓ તમિલનાડુમાં આવેલા પોતાના પૈતૃક ગામ મથલમપરાઈથી Zohoની કામગીરી સંભાળી રહ્યા હતા. જેના 2 વર્ષ બાદ તેમણે છૂટાછેડા લેવાનો નિર્ણય કર્યો હતો.
પ્રમિલા શ્રીનિવાસને શ્રીધર વેમ્બુ પર આરોપ લગાવ્યો હતો કે, તેણે પોતાની કંપનીના મોટાભાગના શેર પોતાની બહેન રાધા વેમ્બુ અને ભાઈ શેખર વેમ્બુને આપી દીધા છે. રાધા વેમ્બુ પાસે હાલની કંપનીનો લગભગ 47.8 ટકા શેર છે. જ્યારે વેમ્બુ ટેક્નોલોજીના સંસ્થાપક શેખર વેમ્બુ પાસે 35.2 ટકા શેર છે. શ્રીધર વેમ્બુ પાસે ફક્ત 5 ટકા શેર છે. જેની િંકમત 225 મિલિયન અમેરિકન ડૉલર છે. પત્નીના આ આરોપોને શ્રીધર વેમ્બુએ નકારી કાઢ્યા હતા અને છૂટાછેડા લેવાનું નક્કી કર્યું હતું.
શ્રીધર વેમ્બુએ ઓગસ્ટ 2021માં કેલિફોર્નિયાની સુપ્રીમ કોર્ટમાં છૂટાછેડાની અરજી દાખલ કરી હતી. જેને લઈને તાજેતરમાં કેલિફોર્નિયાની સુપ્રીમ કોર્ટે ચૂકાદો આપ્યો છે. સુપ્રીમ કોર્ટે પોતાના આદેશમાં શ્રીધર વેમ્બુને 1.7 અબજ અમેરિક ડૉલરના બોન્ડ જમા કરાવવાનો આદેશ આપ્યો છે. આ રકમનું ભારતીય મુલ્ય 15,323 કરોડ થાય છે. કોર્ટે કહ્યું છે કે, વૈવાહિત સંપત્તિ પર પ્રમિલા શ્રીનિવાસનના હક્કથી થનારા સંભવિત નુકસાનથી બચવા માટે આવું કરવું જરૂરી છે. આમ, શ્રીધર વેમ્બુના છૂટાછેડા સૌથી મોંઘા છૂટાછેડા બની ગયા છે.
