રાજકોટ શહેરના રણુજાનગરમાં રહેતાં યુવકે પોતાનું બાઈક મીત્રને ચલાવવા માટે આપ્યા બાદ તે પરત આપી રહ્યો ન હોય વારંવાર ઉઘરાણી કરીને બાઈક પરત લીધા બાદ મીત્રએ 30,000 રૂપિયા માંગ્યા હતા અને જો નહીં આપે તો જાનથી મારી નાખવાની ધમકી આપતાં પોલીસ ફરિયાદ નોંધાઈ હતી.
આ અંગે હેમાંગ સુરેશભાઈ રામાવતે નોંધાવેલી ફરિયાદમાં માં જણાવ્યું કે બે મહિના પહેલાં તેણે તેનું કેટીએમ બાઈક મીત્ર સાગર કાલિયાને ચલાવવા માટે આપ્યું હતું. જો કે સાગર બાઈક પરત આપતો ન હોય હેમાંગ અને તેના પિતા સુરેશભાઈ બન્નેએ સાગરને સમજાવતાં બાઈક પરત આપી દીધું હતું. દરમિયાન 28 એપ્રિલે હેમાંગ કામ ઉપર જતો હતો ત્યારે કોઠારિયા મેઈન રોડ પર ખોડિયાર હોટેલ પાસે વહેલી સવારે ચાર વાગ્યે સાગરે તેને રોકીને તું મોટરસાઈકલ પાછું લઈ ગયો છો તેના 30,000 આપવા પડશે કહી ઢીકાપાટુનો માર માર્યો હતો અને જો પૈસા નહીં આપતે જાનથી મારી નાખવાની ધમકી આપતાં પોલીસ ફરિયાદ નોંધાવી હતી.
