રાજસ્થાનના ચૂરૂમાં કેવી પાપલીલા ચલાવાઈ ? ક્યાં બન્યો બનાવ ? જુઓ

રાજસ્થાનના ચુરુમાં આવેલ ગર્લ્સ શેલ્ટર હોમ યૌન શોષણના વિવાદોથી ઘેરાયેલું છે. આ હોમમાં રહેતી એક સગીર છોકરીએ તેના પર યૌન શોષણનો આરોપ લગાવ્યો છે. આ સંદર્ભે પીડિતાએ મહિલા પોલીસ સ્ટેશનમાં ગર્લ્સ શેલ્ટર હોમના તત્કાલીન ડિરેક્ટર અને બાળ સશક્તિકરણ વિભાગના ડેપ્યુટી ડિરેક્ટર સહિત 6 લોકો વિરુદ્ધ કેસ દાખલ કર્યો છે. અહીં અપરાધલીલા ઘણા સમયથી ચાલી રહી હોવાનું પોલીસને જણાવાયું છે.

પીડિતાનો આરોપ છે કે ગર્લ્સ શેલ્ટર હોમમાં દારૂની પાર્ટીઓ થતી હતી. તેને ત્યાં દારૂ પીરસવા મોકલવામાં આવી હતી. આ દરમિયાન પાર્ટીમાં આવતા લોકો તેની સાથે ગંદી હરકતો કરતા હતા. આ હોમમાં અનેક યુવતીઓને પાર્ટીમાં દારૂ પીરસવા ધરાર મોકલાતી હતી અને છેડછાડ થતી હતી તેવો આરોપ મુકાયો છે. યૌન શોષણ પણ થયા છે.

ઝુંઝુનુની રહેવાસી પીડિતાએ હવે લગભગ બે વર્ષ પહેલા બનેલી આ ગંદી ઘટનાનો ખુલાસો કર્યો છે. આ ગર્લ્સ શેલ્ટર હોમ ઝુંઝુનુની એક એનજીઓ દ્વારા ચલાવવામાં આવે છે. પીડિતાએ તાજેતરમાં જ ઝુનઝુનુ જિલ્લા કલેક્ટરને આ અંગે પત્ર પાઠવી ન્યાયની માંગણી કરી હતી. જે બાદ ઝુનઝુનુ કલેકટરે તે પત્ર ચુરુ મહિલા પોલીસ સ્ટેશનને મોકલ્યો હતો. તેની સામે આ કેસ નોંધવામાં આવ્યો છે. પોલીસે પીડિતાની ફરિયાદના આધારે ગુનો નોંધી તપાસ શરૂ કરી છે. ચુરુ સ્થિત આ ગર્લ્સ શેલ્ટર હોમ લગભગ દોઢ વર્ષ પહેલા બંધ થઈ ગયું હતું.

ઉપરના માળે રૂમમાં ડબલ બેડ હતો.
17 વર્ષની પીડિતાએ પોતાના પત્રમાં જણાવ્યું કે બે વર્ષ પહેલા જ્યારે તે ચુરુમાં ગર્લ્સ શેલ્ટર હોમમાં હતી ત્યારે તેનું યૌન શોષણ કરવામાં આવ્યું હતું. ઉપરના માળે રૂમમાં ડબલ બેડ હતો. ત્યાં મોડી રાત સુધી અધિકારીઓની દારૂની પાર્ટીઓ ચાલતી હતી. શેલ્ટર હોમમાં કામ કરતા ભંવરી દેવી અને કિશન વર્મા તેને ત્યાં દારૂ પીરસવા મોકલતા હતા. જ્યારે તે ત્યાં જતી ત્યારે ગર્લ્સ શેલ્ટરના તત્કાલીન ડાયરેક્ટર બાળ સશક્તિકરણ વિભાગના ડેપ્યુટી ડાયરેક્ટર તેની સામે અયોગ્ય રીતે જોતા હતા અને તેની છેડતી કરતા હતા.

અન્ય યુવતીઓને પણ દારૂ પીરસવા મોકલવામાં આવી હતી
જ્યારે તેણે ભંવરી દેવી અને રુકૈયાને આ વાત કહી તો તેઓએ તેને ડરાવી દીધી. પીડિતાનો આરોપ છે કે આ લોકો શેલ્ટર હોમની અન્ય છોકરીઓને પણ દારૂ પીરસવા મોકલતા હતા. જો તમે ના પાડશો તો તમને ધમકી આપવામાં આવશે. પીડિતાની આ ફરિયાદ બાદ રાજેશ અગ્રવાલ, નરેશ બરોથિયા, સંદીપ, રુકૈયા, ભંવરીદેવી અને કિશન વિરુદ્ધ કેસ નોંધવામાં આવ્યો છે. સદર પોલીસ સ્ટેશનના અધિકારી બલવંત સિંહ કેસની તપાસ કરી રહ્યા છે. જણાવવામાં આવી રહ્યું છે કે રાજેશ અગ્રવાલ અને અન્ય કર્મચારીઓ વિરુદ્ધ ચુરુના મહિલા પોલીસ સ્ટેશનમાં છેડતીનો કેસ નોંધાયેલો છે.