ચુંટણી બોન્ડથી ભાજપ અને કોંગ્રેસને કેટલા કરોડ મળ્યા..વાંચો

ચુંટણીપંચ દ્વારા રવિવારે બોન્ડ અંગેનો નવો ડેટા જાહેર કરાયો

ઈલેક્ટોરલ બોન્ડની કહાની નવી નવી હકીકતો અને આંકડાઓ સાથે વધુ જુગુપ્સા પ્રેરક બની રહી છે. સમગ્ર દેશમાં ચર્ચા જગાવનાર આ મામલામાં અનેક કંપનીઓના નામ બહાર આવી ચૂક્યા હતા અને રવિવારે ચુંટણીપંચે નવો ડેટા જાહેર કર્યો હતો. પંચે પોતાની વેબસાઇટ પર સીલબંધ કવરની વિગતો મૂકી હતી.

નવા ડેટામાં એવી જાણકારી આપવામાં આવી હતી કે, ભાજપને ચુંટણી બોન્ડથી રૂ.7 હજાર કરોડનું દાન મળ્યું હતું. 2019-20માં પાર્ટીને આ પ્રકારે સૌથી વધુ દાનની રકમ મળી ગઈ હતી. જ્યારે કોંગ્રેસને કુલ રૂ.1,334.35 કરોડ મળ્યા હતા. એજ રીતે બીજુજનતાદળ (બીજેડી)ને રૂ.944.5 કરોડ મળ્યા છે. વાયએસઆર કોંગ્રેસને રૂ.442.8 કરોડ મળ્યા હતા.

દક્ષિણની પાર્ટીઓને પણ મોટું દાન મળ્યું હતું અને ડીએમકેને રૂ.656.5 કરોડ મળ્યા હતા. જેમાં ફ્યુચર ગેમિંગના રૂ.509 કરોડ પણ સામેલ છે. જ્યારે મમતા બેનર્જીની પાર્ટી ટીએમસીને રૂ.1397 કરોડ મળ્યા હતા. તેલંગાણાની પાર્ટી બીઆરેસને રૂ.1322 કરોડ મળ્યા છે. અખીલેશની સમાજવાદી પાર્ટીને રૂ.14.05 કરોડ, અકાલિદળને રૂ.7.26 કરોડ, તામિલનાડુના અન્નાડીએમકેને રૂ.6.05 કરોડ અને નેશનલ કોન્ફરન્સને સૌથી ઓછા રૂ.50 લાખ જ મળ્યા છે.