રિઝર્વ બેન્ક કેવી સુવિધા આપવા સક્રિય થઈ ? શું કર્યું ? વાંચો
રિઝર્વ બેંક એ પ્રાયોરિટી સેક્ટર લેન્ડિંગના નિયમોમાં મોટા ફેરફારોની જાહેરાત કરી છે. નવા નિયમો 1 એપ્રિલ, 2025 થી અમલમાં આવશે. આ માર્ગદર્શિકા હાલની જોગવાઈઓની વ્યાપક સમીક્ષા અને સંબંધિત હિતધારકો પાસેથી મળેલા પ્રતિસાદને ધ્યાનમાં લીધા પછી તૈયાર કરવામાં આવી છે. એસબીઆઇ રિસર્ચ રિપોર્ટ અનુસાર, આ ફેરફારો એમએસએમઇ , કૃષિ, નવીનીકરણીય ઉર્જા, સસ્તું આવાસ અને નબળા વર્ગો જેવા ક્ષેત્રોમાં ધિરાણ પ્રવાહને વેગ આપશે.
હાઉસિંગ લોન મર્યાદામાં વધારો
આરબીઆઇએ સુધારેલી માર્ગદર્શિકામાં હાઉસિંગ લોન મર્યાદા અને મહત્તમ મકાન કિંમતમાં નોંધપાત્ર વધારો કર્યો છે. અગાઉ બે શ્રેણીઓ હતી, પરંતુ હવે બેન્કે પ્રાયોરિટી સેક્ટર લેન્ડિંગ હેઠળ હાઉસિંગ લોન માટે ત્રણ શ્રેણીઓ નક્કી કરી છે.
આ પગલાથી વિવિધ આવક વર્ગોમાં, ખાસ કરીને નબળા વર્ગોવાળા શહેરોમાં, ઓછા ખર્ચે/પોસાય તેવા આવાસોને પ્રોત્સાહન મળશે, જ્યાં રોગચાળા પછી ઘર માલિકીની વધતી માંગને ધ્યાનમાં રાખીને બેંકો અને નોન-બેંકિંગ સંસ્થાઓ તેમની આગામી મોટી તક શોધી શકે છે.
સમારકામ માટે લોન મર્યાદામાં વધારો
આરબીઆઇએ હવે જૂના કે જર્જરિત મકાનોના સમારકામ માટે લોનની મર્યાદા વધારી દીધી છે. આ પગલાથી બેંકો અને અન્ય નાણાકીય સંસ્થાઓ માટે સુરક્ષિત અને વિશિષ્ટ ક્ષેત્રમાં લોનનું વિતરણ કરવાની નવી તકો ખુલી છે. વધુમાં, તે એવા ઘરમાલિકોના નાણાકીય તણાવને પણ ઘટાડે છે જેઓ તેમના ઘરોમાં જરૂરી સમારકામ કરવા માટે તરલતા શોધી રહ્યા છે. આનાથી લોન વિતરણ માટે એક મોટું બજાર ખુલવાની સંભાવના છે.
