મહાકુંભથી ઘરે પરત ફરી રહેલા શ્રદ્ધાળુઓને નડ્યો અકસ્માત : કાર ડિવાઈડર કૂદી બસમાં ઘૂસી જતાં 6 લોકોના મોત

મહાકુંભથી પરત ફરી રહેલા શ્રદ્ધાળુઓને અકસ્માત નડ્યો છે જેમાં 6 લોકોના મોત નિપજ્યાં છે. વિગતો મુજબ જબલપુર જિલ્લાના સિહોરામાં એક ભયાનક માર્ગ અકસ્માતમાં કર્ણાટકના છ લોકોએ જીવ ગુમાવ્યા છે અને બે લોકો ઘાયલ પણ થયા છે. આ ઘટના સોમવાર, 24 ફેબ્રુઆરી, 2025ના રોજ સવારે લગભગ 4:00 વાગ્યે બની હતી. મહાકુંભથી જબલપુર જતી વખતે ગાડી નંબર KA 49 M 5054 એક ઝાડ સાથે ભટકાયા બાદ ડિવાઈડર કૂદી રોંગ સાઈડ પર જતી રહી હતી. જ્યાં બીજી તરફથી આવતી બસમાં ઘૂસી ગઇ હતી. જેના પગલે ધડાકાભેર ટક્કર થતાં મોટી જાનહાનિ થઇ હતી.

ક્યાં થયો અકસ્માત ?

આ અકસ્માત સિહોરાના ખિતૌલી પોલીસ સ્ટેશન વિસ્તારમાં થયો હતો. તોફાની ગાડી ડિવાઇડર તોડીને ખોટી બાજુ ગઈ. આ પછી તે બસ સાથે અથડાઈ ગયો. અકસ્માત બાદ બસ ડ્રાઈવર બસ લઈને ભાગી ગયો હતો જેને બાદમાં પોલીસે કબજે કરી હતી.

ઈજાગ્રસ્તોને હોસ્પિટલ ખસેડાયા

બસ અને કાર વચ્ચેની આ ટક્કરમાં ઘટનાસ્થળે જ 6 લોકો મૃત્યુ પામી ગયા હતા. આ ઘટનામાં બે લોકો ઈજાગ્રસ્ત પણ થયા છે. બંને સિહોરા હોસ્પિટલમાં હાલમાં સારવાર હેઠળ છે. મૃતકોના પરિજનોનો સંપર્ક સાધવામાં આવી રહ્યો છે.

મૃતકોની ઓળખ જાહેર કરાઈ

આ દુર્ઘટનામાં મૃત્યુ પામનારા 4 લોકોની યાદી જાહેર કરવામાં આવી હતી જે નીચે મુજબ છે. અન્ય બેના નામ હજુ જાહેર કરાયા નથી. જ્યારે અન્ય બે ઘાયલોની ઓળખ સદાશિવ અને મુસ્તાક તરીકે થઇ છે. મુસ્તાક ગાડીનો ડ્રાઈવર હોવાની જાણકારી મળી રહી છે.

1. વિરુપક્સિ ગુમતી

2. બસ્વરાજ કુરતિ

3. બાલાચંદ્ર

4. રાજુ