Pushpa 2ના પ્રીમિયર દરમિયાન બેકાબૂ થઈ ભીડ : એક મહિલાનું મોત, સ્થિતિને કાબૂમાં લેવા પોલીસ કર્યો લાઠીચાર્જ
સુપરસ્ટાર અલ્લુ અર્જુનની નવી ફિલ્મ પુષ્પા 2 ના પ્રીમિયર દરમિયાન હૈદરાબાદમાં એક મોટો અકસ્માત થયો હતો. ઘટના દરમિયાન ફાટી નીકળેલી નાસભાગમાં એક મહિલાનું મોત થયું હોવાના અહેવાલ છે. એક બાળક પણ ઘાયલ થયો છે. અર્જુન પોતે પણ થિયેટરમાં પહોંચ્યો હતો, ત્યારબાદ ભીડ કાબૂ બહાર ગઈ અને અકસ્માત થયો. આને લગતા ઘણા વીડિયો પણ સોશિયલ મીડિયા પર શેર કરવામાં આવી રહ્યા છે.
‘પુષ્પા ૨’નું પ્રીમિયર અડધી રાત્રે થયું હતું. આ દરમિયાન સુકુમાર દ્વારા નિર્દેશિત આ ફિલ્મ જોવા માટે મોટી સંખ્યામાં દર્શકો થિયેટરમાં પહોંચ્યા હતા. લોકો એટલી મોટી સંખ્યામાં ઉમટી પડયા હતા કે વહીવટીતંત્ર માટે તેને સંભાળવું મુશ્કેલ બની ગયું હતું. થોડી જ વારમાં નાસભાગ જેવી સ્થિતિ સર્જાઈ હતી. આ દરમિયાન એક મહિલાનું મોત થયું હતું અને અન્ય બે લોકો ઘાયલ થયા હતા. પોલીસે સ્થિતિને કાબૂમાં લેવા માટે લાઠીચાર્જ કરવો પડયો હતો.
હૈદરાબાદમાં અલ્લુ અર્જુનની ફિલ્મ પુષ્પા ૨ના પ્રીમિયર દરમિયાન નાસભાગ જેવી સ્થિતિ જોવા મળી હતી. આ દરમિયાન એક મહિલાનું મોત થયું હતું અને અન્ય બે લોકો ઘાયલ થયા હતા. ઘાયલોને સારવાર માટે હોસ્પિટલમાં દાખલ કરવામાં આવ્યા છે. તેનું પ્રીમિયર હૈદરાબાદમાં અડધી રાત્રે યોજાયું હતું. અલ્લુ અર્જુન અને રશ્મિકા મંદન્ના પોતે હૈદરાબાદના આરટીસી ક્રોસ રોડ સ્થિત સંધ્યા થિયેટરમાં પહોંચ્યા હતા.
મીડિયા રિપોર્ટ્સ અનુસાર બુધવારે રાત્રે હૈદરાબાદના આરટીસી ક્રોસરોડ્સ સ્થિત સંધ્યા થિયેટરમાં ભાગદોડ મચી ગઈ હતી. મીડિયા રિપોર્ટ્સ અનુસાર, 39 વર્ષીય રેવતીનું મોત નીપજ્યું હતું અને તેના બાળકને ગંભીર ઈજાઓ થઈ હતી, ત્યારબાદ તેને હોસ્પિટલમાં દાખલ કરવામાં આવી છે. રેવતી પતિ ભાસ્કર અને બે બાળકો સાથે ફિલ્મના પ્રીમિયરમાં પહોંચી હતી.
ભીડમાં પડ્યા બાદ મહિલાને સીપીઆર આપવામાં આવી હતી અને બાદમાં તેને વિદ્યા નગર સ્ટેટ હોસ્પિટલમાં દાખલ કરવામાં આવી હતી, જ્યાં તેનું મોત થયું હતું. આ પછી, પોલીસે બાળકને CPR આપીને પુનર્જીવિત કર્યો અને તેને બેગમપેટની હોસ્પિટલમાં દાખલ કરવામાં આવ્યો. બાળકીની હાલત સ્થિર હોવાનું જાણવા મળે છે.
આ ઘટના રાત્રે 10.30 વાગ્યાની આસપાસ બની હતી. તે દરમિયાન મુખ્ય અભિનેતા અર્જુન અચાનક થિયેટરમાં પહોંચી ગયો. તેમના આગમન પછી, પોલીસ બેકાબૂ ભીડને કાબૂમાં લેવા માટે તરત જ એક્શનમાં આવી ગઈ. ઘટનાના થોડા સમય બાદ અર્જુન ભારે સુરક્ષા અને પોલીસની હાજરીમાં પરત ફરતો જોવા મળ્યો હતો. તેણે ત્યાં હાજર ચાહકોનું અભિવાદન પણ કર્યું.
પુષ્પા 2
પુષ્પા 2: ધ રૂલ એ 2021માં રિલીઝ થયેલી પુષ્પાઃ ધ રાઇઝની સિક્વલ છે. ફિલ્મમાં અર્જુન ઉપરાંત રશ્મિકા મંદન્ના અને ફહદ મહત્વની ભૂમિકામાં છે. ફિલ્મ મેકર્સ મોટી ઓપનિંગની અપેક્ષા રાખી રહ્યા છે.
