રોહિત શર્માના ઘરે પારણું બંધાયું : હિટમેન બીજીવાર બન્યો પિતા, રિતીકાએ આપ્યો દીકરાને જન્મ

ભારતીય ક્રિકેટ ટીમનો કેપ્ટન રોહિત શર્મા બીજી વખત પિતા બન્યો છે. પત્ની રિતિકા સજદેહે 15 નવેમ્બરે પુત્રને જન્મ આપ્યો હતો. ફેન્સ સોશિયલ મીડિયા પર હિટ મેનને અભિનંદન આપી રહ્યા છે. વર્ષ 2018માં રિતિકા અને રોહિત પહેલીવાર પેરેન્ટ્સ બન્યા હતા, જ્યારે તેમની દીકરી સમાયરાનો જન્મ થયો હતો. તમને જણાવી દઈએ કે રોહિત અને રિતિકાના લગ્ન વર્ષ 2015માં થયા હતા.

સમાયરાને મળ્યો નાનો ભાઈ

રોહિત અને રિતિકાના લગ્ન 13 ડિસેમ્બર 2015ના રોજ એક ભવ્ય લગ્ન સમારંભમાં થયા હતા જેમાં ક્રિકેટ, રમતગમત અને મનોરંજનની દુનિયાની મોટી હસ્તીઓએ હાજરી આપી હતી. ત્રણ વર્ષ પછી, દંપતીએ 2018માં સમાયરાનું સ્વાગત કર્યું. હવે, છ વર્ષ પછી, રોહિત-રિતિકા ફરીથી માતાપિતા બન્યા.

શું હવે રોહિત પર્થ ટેસ્ટનો ભાગ બનશે ?

તમને જણાવી દઈએ કે પત્નીની પ્રેગ્નન્સીના કારણે રોહિતે પહેલા ટેસ્ટમાંથી પોતાનું નામ પાછું ખેંચી લીધું હતું. પરંતુ હવે રોહિત અને રિતિકા એક પુત્રના માતા-પિતા બની ગયા છે. આવી સ્થિતિમાં હવે એવી આશા રાખવામાં આવી રહી છે કે હિટ મેન 22 નવેમ્બરથી પર્થમાં રમાનારી પ્રથમ ટેસ્ટ મેચનો ભાગ બની શકે છે. ગાવસ્કર ટ્રોફી શરૂ થવામાં 7 દિવસ બાકી છે. આવી સ્થિતિમાં રોહિત સમયસર ઓસ્ટ્રેલિયા જવા રવાના થશે કે કેમ તે જોવું રહ્યું.

ઓસ્ટ્રેલિયા ટીમ

પેટ કમિન્સ (કેપ્ટન), સ્કોટ બોલેન્ડ, એલેક્સ કેરી, જોશ હેઝલવુડ, ટ્રેવિસ હેડ, જોશ ઈંગ્લિસ, ઉસ્માન ખ્વાજા, માર્નસ લાબુશેન, નાથન લિયોન, મિચ માર્શ, નાથન મેકસ્વીની, સ્ટીવ સ્મિથ, મિચેલ સ્ટાર્ક.

ભારતીય ટીમ

રોહિત શર્મા (કેપ્ટન), જસપ્રિત બુમરાહ (વાઈસ-કેપ્ટન), યશસ્વી જયસ્વાલ, અભિમન્યુ ઇશ્વરન, શુભમન ગિલ, વિરાટ કોહલી, કેએલ રાહુલ, ઋષભ પંત (વિકેટકીપર), સરફરાઝ ખાન, ધ્રુવ જુરેલ (વિકેટકીપર), રવિચંદ્રન અશ્વિન, રવિન્દ્ર અશ્વિન. મોહમ્મદ સિરાજ, આકાશ દીપ, ફેમસ, હર્ષિત રાણા, નીતિશ કુમાર રેડ્ડી, વોશિંગ્ટન સુંદર