હવે Instagram સ્ટોરીમાં તમે કરેલી કોમેન્ટ લોકો પબ્લિકલી જોઈ શકશે : જાણો આ મજેદાર ફીચર વિશે
ટીકટોક બંધ થાય બાદ ઇન્સ્ટાગ્રામે લોકોને પોતાના તરફ આકર્ષિત કર્યા છે. રીલ્સ, પોસ્ટ,સ્ટોરીમાં અનેક ફીચર્સ સમિયાંતરે આપવામાં આવે છે જેનાથી યુઝર્સમાં વધારો કરી શકાય ત્યારે ઇન્સ્ટાગ્રામે યુઝર્સની સ્ટોરી માટે એક નવું ફીચર બહાર પાડ્યું છે. જેમાં તમે સ્ટોરીમાં કરેલી કમેન્ટ પણ તમામ લોકો જોઈ શકશે.
Instagram એ વિશ્વભરમાં સૌથી વધુ ઉપયોગમાં લેવાતા સોશિયલ મીડિયા પ્લેટફોર્મ્સમાંનું એક છે. આના પર એક્ટિવ યુઝર્સની સંખ્યા કરોડોમાં છે. ઇન્સ્ટાગ્રામ રીલ્સ ખૂબ લોકપ્રિય છે. આ ક્રમમાં, સોશિયલ મીડિયા એપે એક નવું ફીચર ઉમેર્યું છે. હવે તમે Instagram સ્ટોરી પર કમેન્ટ કરી શકો છો. અત્યાર સુધી સ્ટોરીનો રિપ્લાય આપવાનો વિકલ્પ હતો, જે ભવિષ્યમાં પણ ઉપલબ્ધ થશે.
જો તમે કોઈની સ્ટોરીનો રિપ્લાઈ આપ્યો હોય, તો મેસેજ પ્રાઈવેટ હતો અને સીધો યુઝર્સને જતો હતો ત્યારે હવે કમેન્ટ સાર્વજનિક રહેશે. તાજેતરના સમયમાં, લોકોએ ઇન્સ્ટાગ્રામ સ્ટોરીઝનો ઉપયોગ વધાર્યો છે, જેના કારણે કંપનીએ આ ફીચર ઉમેર્યું છે. આ દર્શાવે છે કે ઇન્સ્ટાગ્રામ યુઝર એંગેજમેન્ટ વધારવા પર કામ કરી રહ્યું છે.
સ્ટોરીઓ પરની કમેન્ટ પહેલા ડીએમમાં ઉપલબ્ધ હતી, પરંતુ હવે Instagram એ સ્ટોરીઓ પર કમેન્ટ કરવાનું એક નવું ફીચર ઉમેર્યું છે. જે રીતે સ્ટોરી 24 કલાક જોવા મળે છે, તેવી જ રીતે સ્ટોરી પર કરવામાં આવેલી કોમેન્ટ પણ 24 કલાક માટે જ જોવા મળશે. આ ફીચરને રોલ આઉટ કરી દેવામાં આવ્યું છે અને ટૂંક સમયમાં તમામ યુઝર્સને આ અપડેટ મળશે.
ઇન્સ્ટાગ્રામના પ્રવક્તા એમિલી નોર્ફોકે કહ્યું કે વપરાશકર્તાઓ પાસે આ ટિપ્પણીઓને બંધ કરવાનો વિકલ્પ હશે. માત્ર તે જ યુઝર્સ જેઓ ઈન્સ્ટાગ્રામ પર એકબીજાને ફોલો કરે છે તે સ્ટોરી પર કોમેન્ટ કરી શકે છે. આનો અર્થ એ છે કે દરેક જણ તમારી સ્ટોરી પર ટિપ્પણી કરી શકશે નહીં. સ્ટોરી ઓ સમાપ્ત થયા પછી ટિપ્પણીઓ આર્કાઇવમાં દેખાશે કે નહીં તે હાલમાં જાણી શકાયું નથી.
પહેલા ઈન્સ્ટાગ્રામ યુઝર્સ સ્ટોરીઝ પર કોમેન્ટ કરી શકતા હતા પરંતુ તે પ્રાઈવેટ હતી પરંતુ હવે નવા અપડેટ બાદ સ્ટોરીઝ પર કોમેન્ટ પબ્લિકલી દેખાશે. વપરાશકર્તાઓને ટિપ્પણીઓને સક્રિય અથવા નિષ્ક્રિય કરવાનો વિકલ્પ મળશે.
