BCCIના નવા સેન્ટ્રલ કોન્ટ્રેક્ટની જાહેરાત: RO-KOનું ડિમોશન, ગિલ, બૂમરાહ, હરમનપ્રીત, સ્મૃતિ સહિત આ ખેલાડીઓનો A ગ્રેડમાં સમાવેશ

ભારતીય ક્રિકેટ કંટ્રોલ બોર્ડ (BCCI) એ 2025-26 માટે તેમના કેન્દ્રીય કરારની જાહેરાત કરી છે. અનુભવી બેટ્સમેન વિરાટ કોહલી અને રોહિત શર્માને મોટો ઝટકો લાગ્યો છે. વધુમાં, BCCI એ A+ શ્રેણીને દૂર કરી દીધી છે, જેમાં અગાઉ રોહિત શર્મા, વિરાટ કોહલી, જસપ્રીત બુમરાહ અને રવિન્દ્ર જાડેજાનો સમાવેશ થતો હતો. રોહિત અને વિરાટને A+ શ્રેણીમાંથી દૂર કરીને B શ્રેણીમાં મૂકવામાં આવ્યા છે.

ભારતીય ક્રિકેટ ટીમના ફાસ્ટ બોલર જસપ્રીત બુમરાહ, વનડે અને ટેસ્ટ કેપ્ટન શુભમન ગિલ અને સિનિયર ઓલરાઉન્ડર રવિન્દ્ર જાડેજાને 2025-26 સીઝન માટે BCCIના ગ્રેડ A સેન્ટ્રલ કોન્ટ્રાક્ટમાં સામેલ કરવામાં આવ્યા છે. આ ત્રણેય ખેલાડીઓ આ વખતે ઉચ્ચતમ શ્રેણીમાં છે.

BCCIના નવા સેન્ટ્રલ કોન્ટ્રેક્ટમાં RO-KOનું ડિમોશન

ભૂતપૂર્વ કેપ્ટન વિરાટ કોહલી અને રોહિત શર્મા, જેઓ હવે ફક્ત ODI ફોર્મેટમાં રમે છે, તેમને ગ્રેડ B માં મૂકવામાં આવ્યા છે. બંને ખેલાડીઓ અગાઉ ટોચની A+ શ્રેણીનો ભાગ હતા, પરંતુ ટેસ્ટ અને T20 આંતરરાષ્ટ્રીય મેચોમાંથી ખસી ગયા બાદ તેમને ડિમોટ કરવામાં આવ્યા છે.

🚨 News 🚨

BCCI announces Annual Player Retainership for Team India Senior Men and Senior Women for the 2025-26 season#TeamIndia | Details 🔽https://t.co/Rd3pUCPRr9 pic.twitter.com/UNYRThs1kW

— BCCI (@BCCI) February 9, 2026

BCCIના નવા સેન્ટ્રલ કોન્ટ્રેક્ટની જાહેરાત

ગ્રેડ A

શુભમન ગિલ, જસપ્રિત બુમરાહ, રવિન્દ્ર જાડેજા

ગ્રેડ B

રોહિત શર્મા, વિરાટ કોહલી, સૂર્યકુમાર યાદવ, વોશિંગ્ટન સુંદર, કેએલ રાહુલ, હાર્દિક પંડ્યા, મોહમ્મદ સિરાજ, ઋષભ પંત, કુલદીપ યાદવ, યશસ્વી જયસ્વાલ, શ્રેયસ ઐયર

ગ્રેડ C

અક્ષર પટેલ, તિલક વર્મા, રિંકુ સિંહ, શિવમ દુબે, સંજુ સેમસન, અર્શદીપ સિંહ, પ્રસિદ્ધ કૃષ્ણ, આકાશ દીપ, ધ્રુવ જુરેલ, હર્ષિત રાણા, વરુણ ચક્રવર્તી, નીતિશ કુમાર રેડ્ડી, અભિષેક શર્મા, સાઈ સુદર્શન, રવિ બિશ્નોઈ, રુતુરાજ ગાયકવાડ.

મહિલા ક્રિકેટ ટીમ

ગ્રેડ A

હરમનપ્રીત કૌર, સ્મૃતિ મંધાના અને જેમીમા રોડ્રિગ્સ

ગ્રેડ B

દીપ્તિ શર્મા, રેણુકા ઠાકુર, શેફાલી વર્મા અને રિચા ઘોષ

ગ્રેડ C

રાધા યાદવ, અરુંધતિ રેડ્ડી, જી કમલિની,ઉમા છેત્રી, કશ્રી ગૌતમ, ક્રાંતિ ગૌડ, હરલીન દેઓલ, પ્રતિકા રાવલ, યાસ્તિકા ભાટિયા,અમનજોત કૌર,શ્રી ચરણિ, વૈષ્ણવી શર્મા,તેજલ હસબનિસ

આ પણ વાંચો: આખરે નમ્યું પાકિસ્તાન: ભારત સામે મેચ રમવા થયું સંમત, T20 વર્લ્ડ કપમાં 15મીએ રમાશે IND VS PAK વચ્ચે રમાશે હાઇવોલ્ટેજ મુકાબલો

BCCI કરાર 2025-26 માં મુખ્ય ફેરફારો

• રોહિત શર્મા અને વિરાટ કોહલીને ટેસ્ટ અને T20 આંતરરાષ્ટ્રીય ક્રિકેટમાંથી નિવૃત્તિ લીધા બાદ બીજા સ્તર (ગ્રેડ B) માં મૂકવામાં આવ્યા છે.
• શુભમન ગિલને ગ્રેડ B માંથી ટોચની શ્રેણી, ગ્રેડ A માં બઢતી આપવામાં આવી છે.
• જસપ્રીત બુમરાહ અને રવિન્દ્ર જાડેજાએ તેમના ટોચના-ગ્રેડ કરાર જાળવી રાખ્યા છે.
• વોશિંગ્ટન સુંદરને ગ્રેડ C માંથી ગ્રેડ B માં બઢતી આપવામાં આવી છે.
• શ્રેયસ ઐયર ગ્રેડ B કરારમાં પાછા ફર્યા છે.
• મોહમ્મદ શમીને BCCI ની વાર્ષિક કરાર યાદીમાંથી બહાર કરવામાં આવ્યા છે.