આતંકી સંગઠન સિખ ફોર જસ્ટિસ પરનો પ્રતિબંધ વધુ 5 વર્ષ લંબાવાયો
છેલ્લા ઘણા સમયથી પડકારો ઊભા કરીને શાંતિનો ભંગ કરનાર અને હિંસક પ્રવૃત્તિમાં શામેલ રહેનાર આતંકી સંગઠન સિખ ફોર જસ્ટિસ ઉપર લગાવાયેલ પ્રતિબંધ કેન્દ્ર સરકારે વધુ 5 વર્ષ માટે લંબાવી દીધો હતો.
કેન્દ્રના ગૃહ મંત્રાલય દ્વારા આદેશ બહાર પાડવામાં આવ્યો હતો. આ પહેલા પણ જવાનોએ આ સંગઠનના અનેક લોકોની ધરપકડ કરી હતી. એમની પાસેથી અનેક દસ્તાવેજો અને સંપત્તિ મળી આવ્યા હતા. એમની દરેક પ્રકારની પ્રવૃત્તિ પણ બંધ કરાવી દેવામાં આવી હતી.
ગૃહ મંત્રાલયે એમ કહ્યું છે કે મોદી સરકારની આતંકવાદ સામે ઝીરો ટોલરન્સની નીતિ યથાવત છે અને કોઈ પણ દેશવિરોધી અવાજોને ખામોશ કરવા માટે સરકાર સક્રિય રહી છે. સિખ ફોર જસ્ટિસ સંગઠન અનેક વાંધાજનક પ્રવૃત્તિમાં સંડોવાયેલું છે તેવી જાણ થયા બાદ અને પુરાવા મળ્યા બાદ તેના પર પ્રતિબંધ લગાવી દેવાયો હતો.