કોલકત્તામાં નિર્ભયા કાંડ જેવી વધુ એક ઘટના : યુવા ડોક્ટરની હત્યા પહેલા દુષ્કર્મ ગુજાર્યું , શરીરના અંગો પર ઇજાના નિશાન
- કોલકત્તામાં નિર્ભયા જેવો કાંડ : યુવા ડોક્ટર ઉપર દુષ્કર્મ ગુજારી ક્રૂર હત્યા
- ક્રૂર રીતે માર મારવામાં આવ્યો હોવાના પુરાવા મળ્યા
આર જી કાર મેડિકલ કોલેજમાં તાલીમાર્થી ડૉક્ટર સાથે થયેલી નિર્દયતાએ બધાને હચમચાવી દીધા
તપાસ માટે સીટની રચના, ૧ની ધરપકડ
કોલકત્તા
કોલકતાની આરજી કાર મેડિકલ કોલેજમાં તાલીમાર્થી ડૉક્ટર સાથે દિલ્હીની નિર્ભયા જેવું થયુ છે. આ ડોક્ટર ઉપર દુષ્કર્મ ગુજરીને તેની ક્રુરતા પૂર્વક હત્યા કરી નાખવામાં આવી છે. આ ડોક્ટર સાથે થયેલી નિર્દયતાએ બધાને હચમચાવી દીધા હતા. પોલીસે આ મામલે બળાત્કારનો કેસ નોંધ્યો છે અને સીસીટીવી ફૂટેજના આધારે એક વ્યક્તિની ધરપકડ કરી છે. ચાર પાનાંના ઓટોપ્સી રિપોર્ટ મુજબ મહિલાની આંખ, મોં અને પ્રાઇવેટ પાર્ટસમાંથી લોહી વહી રહ્યું છે. એ સાથે તેના પેટ, જમણા પગ, ગળા, જમણા હાથ, રિંગ ફિંગર અને હોઠ પર પણ ઇજાનાં નિશાન છે.
કોલકાતા પોલીસ અનુસાર આ કેસ સુસાઇડનો નથી, પણ રેપ પછી હત્યા થઈ છે. ટ્રેની ડોક્ટરના ડોકનું હાડકું તૂટેલું મળ્યું છે. કોઈ ગળું દબાવીને હત્યા કર્યાનું બહાર આવ્યું છે. પોલીસે હત્યાનો કેસ નોંધીને તપાસ માટે સ્પેશિયલ ઇન્વેસ્ટિગેશન ટીમ (SIT) બનાવવામાં આવી છે. પોલીસે સંદિગ્ધ કામગીરીને આધારે સંજય નામના એક શખસની ધરપકડ કરી છે.
તાલીમાર્થી ડોક્ટર વિશે કહેવામાં આવી રહ્યું છે કે તે બીજા વર્ષની વિદ્યાર્થીની હતી.સેમિનાર હોલમાં તે બેભાન અવસ્થામાં મળી આવી હતી.
પશ્ચિમ બંગાળના મુખ્યમંત્રી મમતા બેનર્જીએ પીડિતાના માતા-પિતા સાથે વાત કરી છે. પરિવારે તેમને આ મામલાની નિષ્પક્ષ તપાસ કરવા વિનંતી કરી છે. પોલીસે આ મામલે વધુ તપાસ હાથ ધરી છે.
તાલીમાર્થી ડોક્ટર સાથેના કથિત જાતીય સતામણીના કેસ પર ભાજપના વરિષ્ઠ નેતા અગ્નિમિત્રા પોલે કહ્યું કે છોકરીના શરીર પર ઘા છે. પીડિતાનું સારવાર બાદ મોત થયું હતું. અમે ઇચ્છીએ છીએ કે તપાસ થાય.
