રોબોટે લીધો માણસનો જીવ

દક્ષિણ કોરિયામાં સેન્સર ટેસ્ટિંગ વખતે શાકભાજીથી ભરેલું બોક્સ સમજીને મોતને ઘાટ ઉતાર્યો

વિશ્વ હાઈ ટેકનોલોજી તરફ આગળ વધી રહ્યું છે. આપણે એવા રોબોટ્સનું સપનું જોઈ રહ્યા છીએ જે માણસોની જેમ વિચારી શકે અને કામ કરી શકે, પણ જો આ ટેક્નોલોજી આપણો જીવ લઈ લે તો? આવો જ એક કિસ્સો દક્ષિણ કોરિયામાં સામે આવ્યો છે. અહીં એક વ્યક્તિની હત્યા રોબોટે કરી હોવાનો બનાવ સામે આવ્યો છે.

એવું કહેવામાં આવી રહ્યું છે કે રોબોટમાં ટેક્નિકલ ખામી હતી અને તે વ્યક્તિને કેપ્સિકમથી ભરેલું બોક્સ સમજી ગયો હતો. ઘટના સમયે તે વ્યક્તિ રોબોટનું ટેક્નિકલ ટેસ્ટિંગ કરી રહ્યો હતો.

Yonhap news agencyએ અહેવાલ આપ્યો હતો કે દક્ષિણ કોરિયામાં રોબોટ દ્વારા એક વ્યક્તિનું મર્ડર કરવામાં આવ્યું હતું. અહેવાલ છે કે રોબોટે માણસને શાકભાજીથી ભરેલું બોક્સ સમજી બેઠો હતો. મૃતકની ઓળખ 40 વર્ષીય રોબોટિક્સ કંપનીના કર્મચારી તરીકે થઈ છે. આ વ્યક્તિ દક્ષિણ ગ્યોંગસાંગ પ્રાંતમાં કૃષિ ઉત્પાદન વિતરણ કેન્દ્રમાં રોબોટના સેન્સર તપાસી રહ્યો હતો.

એવું નોંધવામાં આવ્યું છે કે રોબોટે બોક્સ અને માણસ વચ્ચેનો તફાવત સમજવામાં ભૂલ કરી હતી. કોઈપણ આદેશ વિના તેણે વ્યક્તિના ઉપરના ભાગને નીચેના ભાગથી અલગ કરવાનો પ્રયાસ કર્યો. આ ઘટનામાં વ્યક્તિનો ચહેરો અને છાતી ખરાબ રીતે કચડાઈ ગઈ હતી. યોનહાપે પોલીસને ટાંકીને કહ્યું કે રોબોટ કેપ્સિકમથી ભરેલું બોક્સ ઉપાડી રહ્યો હતો. આ સમય દરમિયાન, કંઈક ખોટું થયું અને તે તેની સામે ઉભેલા માણસને બોક્સ સમજી બેઠો હતો. તેને હોસ્પિટલમાં ખસેડવામાં આવ્યો હતો પરંતુ બાદમાં તેનું મોત નીપજ્યું હતું.

નોંધનીય છે કે રોબોટ દ્વારા મનુષ્યની હત્યા કરવાનો આ પહેલો કિસ્સો નથી. 2015માં જર્મન કાર મેન્યુફેક્ચરિંગ કંપની ફોક્સવેગનના એક રોબોટે એક કર્મચારીને મેટલ પ્લેટથી દબાવીને મારી નાખ્યો હતો. રોબોટમાં ટેકનિકલ ખામી હોવાનું જાણવા મળ્યું હતું. આ વર્ષે માર્ચમાં, એક 50 વર્ષીય દક્ષિણ કોરિયાના માણસને ઓટોમોબાઈલ પાર્ટ્સ કંપનીમાં કામ કરતી વખતે રોબોટ મશીનમાં ફસાઈ જવાથી ગંભીર ઈજાઓ થઈ હતી.