રાજસ્થાનમાં 5 પોલીસમેનની જિંદગી થઈ સમાપ્ત .. વાંચો

રાજસ્થાનના નાગોર જિલ્લામાં ભયંકર અકસ્માત સર્જાયો હતો. આ અકસ્માતમાં 5 પોલીસ કર્મીઓના મોત થયા હતા. ઘટનાની જાણ થતા તરત જ પોલીસના ઉચ્ચ અધિકારીઓ ઘટનાસ્થળે પહોંચી ગયા હતા. દૂર્ઘટનામાં ત્રણ લોકો ગંભીર રીતે ઇજાગ્રસ્ત થયા હતા. તમામ ઇજાગ્રસ્ત લોકોને હોસ્પિટલ ખસેડવામાં આવ્યા હતા.

પોલીસ જવાનો ચૂંટણી ડ્યુટીમાં જઇ રહ્યાં હતા પણ કમનસીબે જવાનો ભરેલી ગાડી ટ્રકમાં ઘુસી જતા આ અકસ્માત સર્જાયો હતો. આ તમામ જવાન પીએમ મોદીની સભામાં જઇ રહ્યાં હતા તેવા અહેવાલો પણ બહાર આવ્યા હતા. અકસ્માતમાં પોલીસ વાહન આગળથી નષ્ટ થયું હતું. ઘટનાને પગલે આસપાસના ગામના લોકો પણ મદદે આવ્યા હતા.

અહેવાલમાં જણાવ્યા મુજબ નાગોર જિલ્લાના ખીવસર પોલીસ સ્ટેશનના જવાનોને અકસ્માત નડ્યો હતો. ચૂરુ જિલ્લાના તારાનગરમાં પીએમ મોદીની જનસભાનું આયોજન થયું છે ત્યાં એમણે ફરજ પર હાજર થવાનું હતું. ચૂંટણી ડ્યુટી હેઠળ પોલીસ જવાનોની ગાડી ચૂરૂ જઇ રહી હતી. વડાપ્રધાન મોદી આજે શેખાવાટીના પ્રવાસે છે.