રૈયાગામમાં જૂના ઝગડાનો ખાર રાખી કાકા-ભત્રીજા પર ત્રિપુટીનો  હુમલો

રૈયા ગામમાં જુના મનદુ:ખનનો ખાર રાખી યુવકને ત્રણ શખ્સોએ છરી બતાવી આજે તો મારી જ દેવી છે કહી ધમકાવતાં તેના કાકા ત્રિપુટીને સમજાવવા આવતાં તેમન પર છરી વડે હુમલો કરતાં પોલીસે ગુનો નોંધ્યો હતો.

વિગતો મુજબ,રૈયા ગામમાં રહેતો કલ્પેશભાઇ મોહનભાઇ પરમાર (ઉ.વ.35) નામના યુવાન પર રૈયા ગામ વણકરવાસમાં રહેતાં નાનજી ઉર્ફ લાલો ભુપતભાઇ પરમાર, મહેશ મનસુખભાઇ પરમાર અને વિશાલ મેરીયાએ છરીથી હુમલો કરતાં તેઓને સિવિલ હોસ્પિટલના ખસેડયા હતા.અને આ મામલે યુનિવર્સિટી પોલીસ દ્વારા કાર્યવાહી કરતાં જાણવા મળ્યું હતું કે,ચારેક મહિના અગાઉ તેઓની જમીનમાં દબાણ થયું હોઇ આ મામલે લાલા સહિતના વિરુદ્ધ ફરિયાદ કરી હતી. તેનો ખાર રાખી ત્રિપુટીએ તેમના ભત્રીજા દિવ્યેશને છરી બતાવી આજે તો મારી જ દેવી છે, મારી નાખવો છે કહી ધમકી આપી હતી.જેથી તેઓ વચ્ચે પડતા ત્રિપુટીએ છરી વડે હુમલો કર્યો હતો.હાલ આ મામલે પોલીસે ગુનો નોંધ્યો છે.