જંગલેશ્વરમાં વેપારી ઉપર હુમલો કરનાર લુખ્ખાઓની ધરપડક: સરઘસ કઢાયુ

જંગલેશ્વરમાં દુકાન બંધ નહિ કરનાર વેપારી ઉપર હુમલો કરનાર ટોળકીને ભક્તિનગર પોલીસે ઝડપી લઈ. આ વિસ્તારમાં ભયનો માહોલ ઊભો કરવાનો પ્રયાસ કરનાર આ લુખ્ખાઓનું સરઘસ કાઢી કાયદાનું ભાન કરાવ્યું હતું.

જંગલેશ્વરમાં તવકકલ ચોક શેરી નં.9માં રહેતા અને ખ્વાજા એપાર્ટમેન્ટમાં નિસ્બર પાન નામની દુકાન ધરાવતા હાજીભાઇ દાઉદભાઇ ખેભર ઉપર ગત તા. 23ના જંગલેશ્ર્વરના સમીર ઉર્ફે સેજલો જુણેજા, મજુડો, સરફરાઝ, હનીફ સિપાઇ, સમીરનો ભાણેજ સોહિલો, નવાઝ ઉર્ફે નવલો, સમીર સહિતના શખ્સોએ હુમલો કરી દુકાનમાં તોડફોડ કરી હતી. બનાવ અંગેની ફરિયાદ પરથી ભકિતનગર પોલીસમાં ફરિયાદ નોંધાયા બાદ આ ટોળકી ભૂગર્ભમાં ઉતરી ગઈ હતી. પીઆઇ એમ.એમ.સરવૈયા અને ટીમે આ ટોળકીને ઝડપી લઇ આ વિસ્તારમાં ભયનો માહોલ ઊભો કરવાનો પ્રયાસ કરનાર આ લુખ્ખાઓનું સરઘસ કાઢી તેમને કાયદાનું ભાન કરાવ્યું હતું