‘તુ શું શીન સપાટા કરે છો’કહી બિલ્ડરને તેના સમાજના આગેવાને માર માર્યો

જેતપુરનો બનાવ : સમાજના આગેવાને પણ બિલ્ડર સામે વળતી ફરિયાદ નોંધાવી

જેતપુરમાં રહેતા બિલ્ડરે તેના જ સમાજના આગેવાને જૂના ઝગડાનો ખાર રાખીને ધોકા વડે માર માર્યો હતો.જે મામલે બિલ્ડરે ફરિયાદ નોંધાવી હતી. જ્યારે સમાજના આગેવાને પણ બિલ્ડર સામે વળતી ફરિયાદ નોંધાવી હતી. વિગત મુજબ જેતપુરમાં ગાયત્રી ચોકમાં રહેતા બિલ્ડર હિતેશભાઈ સનેસરીયાએ નોંધાવેલી ફરિયાદમાં આરોપીમાં ચંદુ મકવાણાનું નામ આપતા જણાવ્યું હતું કે,પોતે જેતપુર-જુનાગઢ રોડ પર હતા ત્યારે આરોપી ત્યાં ઘસી આવ્યો હતો. અને ‘તુ શું શીન સપાટા કરે છો’કહી માર માર્યો હતો.જેથી આ મામલે પોલીસે ફરિયાદ નોંધી હતી.

જ્યારે કોળી ઠાકોર સમાજના આગેવાન ચંદુભાઈ મકવાણાએ નોંધાવેલી ફરિયાદમાં આરોપીમાં તેના સમાજના આગેવાન અને બિલ્ડર હિતેશ છગન સનેસરીયાનું નામ આપતા જણાવ્યું હતું કે,આરોપી સમાજના પૈસા ખાઈ ગયો હોય જેની વાત સમાજના લોકોને કરી દીધી હતી. અને આ વાતનો ખાર રાખી ગઇકાલે તે પોતાના વાહન પર જેતપુર-જુનાગઢ રોડ પર ઘસી આવ્યો  હતો.અને ‘તુ મારી સમાજમાં કેમ ખરાબ વાતો કરે છે’ તેમ કહી હુમલો કરી માર માર્યો હતો.જેથી આ મામલે જેતપુર સિટી પોલીસે ગુનો નોંધી કાર્યવાહી કરી છે.