કાલાવડ રોડ પર આર.કે નગર પાસે ક્વાર્ટરના ફ્લેટમાં જુગાર રમતા સાત પકડાયા
શહેરમાં કાલાવડ રોડ આર કે નગર મેઇન રોડ પર શહિદ ભગતસિહ ટાઉનશીપના કવાર્ટરમાં તીન પતીનો જુગાર રમતા સાત શખ્સોને એલ.સી.બી. ઝોન-ર ની ટીમે દરોડો પાડી પકડી લીધા હતા. મળતી વિગત મુજબ આર.કે નગર મેઇન રોડ પર શહિદ ભગતસિંહ ટાઉનશીપના કવાર્ટરમાં જુગારધામ ચાલતુ હોવાની બાતમી મળતા એલ.સી.બી. ઝોન-ર ના પી.એસ.આઈ. આર.એચ ઝાલા સહિતના સ્ટાફે દરોડો પાડી ટાઉનશીપમાં વીગ-૨ કવાર્ટર નં 606 માં તીન પતીનો જુગાર રમતા કવાર્ટર માલીક સદીપ હરેશભાઈ સાંગાણી તેની પત્ની રેખા ઉર્ફે રીધ્ધી સંદીપ સાંગાણી તથા નીતીન જયંતીભાઇ આસોડીયા, કેયુર ચીમનભાઇ પારેખ, મુકેશ ભટ્ટ,સાગર રમેશભાઈ નથવાણી અને સોનલબેન જીતેશભાઈ પીઠડીયાને પકડી લઇ રૂ.11 હજારની રોકડ સહિતની મતા કબજે કરી હતી.
