દેશી દારૂના જથ્થા સાથે મહિલા સહિત પાંચને પકડી પાડતી પીસીબી

શહેરમાં દેશી દારૂના ધંધાર્થીઓ પર પીસીબીની ટીમે ધોંસ બોલાવી છે.ત્યારે શહેરમાં અલગ અલગ પાંચ દરોડામાં પોલીસે દેશી દારૂના જથ્થા સાથે મહિલા સહિત પાંચને પકડી પાડયા હતા.દરોડાની વિગતો મુજબ, પીસીબીના ઇન્ચાર્જ પીઆઇ એમ.આર.ગોંડલીયાની રાહબરી હેઠળ ટીમ પેટ્રોલીંગમાં હતી દરમિયાન કોઠારીયા કોલોની ક્વાટર્સ નં.૧૪ સોરઠીયા વાડી બગીચા પાસેથી બેબીબેન પ્રવિણભાઇ પરમાર(ઉ.વ ૬૫) નામની મહીલાને પાંચ લીટર દેશી દારૂ સાથે ઝડપી લીધી હતી.સ્વાતી પાર્ક મેઇન રોડ પર રહેતા રામજી જગુભાઈ વાઘેલા(ઉ.વ ૪૨) ના ઘરમાં દરોડો પાડી અહીંથી ૧૫ લીટર દેશી દારૂ અને ૬૫૦ લીટર આથા સહિત કુલ રૂ.૧૯,૨૫૦ નો મુદામાલ કબજે કરી આરોપીની ધરપકડ કરી હતી.આ ઉપરાંત યુવરાજનગર મફતીયાપરા શેરી ન.૨ રોડ પાસેથી પ્રેમજી રવજીભાઇ સાડમીયા(ઉ.વ ૪૫)ને ૧૦ લીટર દેશી દારૂ સાથે ઝડપી લીધો હતો.આજીડેમ ચોકડી યુવરાજનગર શેરી નં. ૧ મફતીયાપરા પાસેથી શૈલેષ મુન્નાભાઈ પરમાર(ઉ.વ ૨૧) ને ૯ લીટર દેશી દારૂ, ૧૫ લીટર આથો સહીતના મુદામાલ સાથે ઝડપી લીધો હતો અને માંડા ડુંગર પીઠડ આઇ સોસાયટી શેરી નં.૧ માં રહેતા સંજય કરમશીભાઇ ડાભી(ઉ.વ ૩૮) ને ૧૫ લીટર દેશી દારૂ સાથે ઝડપી લઇ તેની સામે ગુનો નોંધી ધરપકડ કરી હતી.