વડોદરામાં તરસાલી તળાવમાંથી અજાણી યુવતીની લાશ મળતા ખળભળાટ

વડોદરામાં મોડીરાત્રે તરસાલી તળાવમાંથી એક અજાણી યુવતીની લાશ મળતા ચકચાર જામી છે.

તરસાલી તળાવ બહાર કેટલાક સ્થાનિક લોકો બેઠા હતા જેઓને લાશ દેખા દેતા તુરંત પોલીસ અને ફાયર બ્રિગેડને જાણ કરી હતી ઘટનાને પગલે ફાયબ્રિગેડના જવાનો અને પોલીસ સ્થળ પર આવી પહોંચી હતી. લાશ બહાર કાઢતા આશરે 20 થી 22 વર્ષની એક યુવતીની લાશ હોવાનું જાણવા મળ્યું હતું. જો કે આ યુવતી કોણ છે તેની ઓળખ છતી થઈ નથી જેથી પોલીસે લાશને પીએમ માટે સયાજી હોસ્પિટલ ખાતે ખસેડી આગળની તલસ્પર્શી તપાસ હાથ ધરી છે.