ટ્રાન્સપોર્ટ પર સાત શખસોનો છરી અને ધોકા-પાઇપ વડે હિચકારો હુમલો

મોરબી રોડ જકાતનાકા પાસેનો બનાવ : જૂના મનદુખમાં મારમારી યુવકની કારમાં કરી તોડફોડ

રાજકોટમાં દિન-પ્રતિદિન મારામારીના બનાવો વધવા પામ્યા છે.ત્યારે મોરબી રોડ પર જકાતનાકા પાસે જૂના મનદુખનો ખાર રાખીને ટ્રાન્સપોર્ટ પર સાત શખસોએ ધોકા-પાઇપ અને છરી વડે હુમલો કરી ઢોર માર માર્યો હતો.અને તેની કારમાં તોડફોડ કરતાં યુવકની ફરિયાદ પરથી બી ડિવિઝન પોલીસે ગુનો નોંધ્યો છે.

માહિતી મુજબ મોરબી જકાતનાકા પાસે જય જવાન જય કિસાન સોસાયટી શેરી નંબર-4માં રહેતા ટ્રાન્સપોર્ટ ગૌતમભાઈ હિન્દુભાઈ બાંભવાએ નોંધાવેલી ફરિયાદમાં આરોપીમાં રવિ ઉર્ફે ગઈઢો બોહકીયા,દકો,દકાનો ભાઈ કિશન,વિરેન કોળી,બુધ્ધો કોળી,વિશાલ ઉર્ફે ટકો કોળી, અને એક અજાણ્યા શખસનું નામ આપતા જણાવ્યું હતું કે,થોડા સમય પૂર્વે આરોપી રવિએ તેમના પિતાને ગાળો આપી હતી.જે બાબતે તે સમયે ઝગડો થયો હતો.તે થયેલી બોલાચાલીનો ખાર રાખીને શનિવારના રાત્રિના ફરિયાદી ગૌતમભાઈ તેમની કાર લઈને જતાં હતા.ત્યારે તમામ આરોપીઓ  ધોકા-પાઇપ અને છરી સાથે ઘસી આવ્યા હતા. અને ગૌતમભાઈની કારને આંતરી તેમાં તોડફોડ કરી હતી.તેમજ તેમને માર માર્યો હતો.જેથી ગૌતમભાઈને ઇજા પહોંચતા સારવાર માટે હોસ્પિટલમાં દાખલ કરવામાં આવ્યા હતા.અને આ મામલે પોલીસે તમામ આરોપી સામે ગુનો નોંધી તેમની શોધખોળ કરી છે.