બુટલેગર હર્ષદ મહાજને પુત્ર અને મિત્રો સાથે મળી સાળી-સાઢુ પર હુમલો કર્યો
સૌરાષ્ટ્રના નામચીન બુટલેગર બુટલેગર હર્ષદ માણેકલાલ મહાજનને સાસુને ધમકી આપ્યા બાદ કોઠારીયા રોડ નજીક આનંદનગર કોલોનીમાં રહેતી સાળી અને સાઢુ પર હર્ષદ અને તેના પુત્ર સહીત ચાર શખ્સોએ માર માર્યો હોવાની બીજી ફરિયાદ નોંધાઇ છે. વિગત મુજબ કોઠારીયા રોડ નજીક આનંદનગર કોલોનીમાં રહેતા રૂપલબેન જયેન્દ્રભાઈ તન્ના (ઉ.વ. 49)એ ફરિયાદમાં આરોપીમાં હર્ષદ મહાજન, તેના પુત્ર આશિષ, ભના અને આશિષના મિત્ર સામે ગુનો દાખલ કર્યો હતો. હર્ષદની પત્ની થોડા દિવસથી માવતરને ત્યાં હોવાથી તેનો ખાર રાખીને તેને પ્રથમ સાસુને ધમકી આપી હતી.બાદમાં આ અંગે ફરિયાદ થતાં તેને સાસુ સાથે ગયેલી બીજી દીકરી એટેલે હર્ષદની સાળી અને તેના સાઢુ પર પુત્રો સાથે મળી હુમલો કરી મારકૂટ કરી હતી.જે મામલે યુનિવર્સિટી પોલીસે ગુનો નોંધ્યો છે.
