સંત કબીર રોડ પર કારખાનામાં યુવકનો ફાંસો ખાઈ આપઘાત

સંત કબીરરોડ પર ગઢીયાનગર-૨ માં ગોકુલ પાનની સામે આવેલા ઉમા વોટર ફિલ્ટર કારખાનામાં કામ કરનાર રોહિત પૂરણલાલ કેવટ(ઉ.વ ૧૮) નામના યુવાને કારખનાની ઓરડીમાં દોરડા વડે ગળાફાંસો ખાઇ લીધો હતો.સાથી શ્રમિકોએ ઓરડીનો દરવાજો ખખડાવતા યુવાને દરવાજો ન ખોલતા તોડીને જોતા યુવાન લટકતી હાલતમાં જોવા મળ્યો હતો.જેથી ૧૦૮ ને જાણ કરવામાં આવી હતી.૧૦૮ના સ્ટાફે તપાસી તપાસી યુવાનને મૃત જાહેર કર્યો હતો.બનાવની જાણ થતા બી ડિવિઝન પોલીસ મથકના હેડ કોન્સ્ટેબલ એચ.એમ.કોઠીવાળ દોડી આવ્યા હતા. અને વધુ કાર્યવાહી હાથધરી હતી.