આજીવસાહતમાં કુતરાઓને તગડવા મુદે યુવક પર પાડોશીનો પાઇપ વડે હુમલો

શહેરમાં આજીવસાહતમાં રહેતા યુવકને તેના પાડોશી શખસે કુતરાઓને તગડવા મુદે માથાકૂટ કરી લોખંડના પાઇપ વડે માર મારતા તેને સારવાર માટે હોસ્પિટલમાં ખસેડવામાં આવ્યો હતો.અને થોરાળા પોલીસે ગુનો નોંધ્યો હતો.વિગત મુજબ આજીવસાહતમાં શિવનગરમાં રહેતા કાળુભાઇ વાઘેલા નામના યુવકે નોંધાવેલી ફરિયાદમાં આરોપીમાં તેના પાડોશમાં રહેતા રાજુ ઉર્ફે કૂકો વાઘેલાનું નામ આપતા જણાવ્યું હતું કે,કુકાને પાલતુ કુતરાઓ છે.અને તે  યુવકના ઘર પાસે આવી ગયા હોવાથી તે કુતરાઓને તગડતા આરોપી કૂકો ઉશકેરાયો હતો.અને લોખંડના પાઇપથી માર માર્યો હતો. જેથી યુવકને ગંભીર ઇજા પહોંચતા સિવિલમાં સારવાર માટે ખસેડવામાં આવ્યો હતો.અને આ મામલે થોરાળા પોલીસે કાર્યવાહી કરી છે.