10 સગીર બાળકોએ 14 વર્ષીય કિશોરી પર કર્યો ગેન્ગરેપ
બેલ્જિયમનાં કોર્ટિજક શહેરની ઘટના : બોયફ્રેન્ડ ફરવા લઇ ગયો અને મિત્રોના હવાલે કરી દીધી : કિશોરોએ વિડીયો ઉતારી સ્નેપચેટ ઉપર મુક્યો
યુરોપિયન દેશ બેલ્જિયમનાં કોર્ટિજક શહેરમાં ૧૪ વર્ષની કિશોરી ઉપર તેના જ ૧૪ વર્ષીય બોય ફ્રેન્ડ અને અન્ય ૯ મિત્રોએ ગેંગ રેપ કરતા સનસનાટી મચી ગઈ છે. આ ગેન્ગરેપમાં સામેલ 10માંથી નવ આરોપીઓની વય 11થી 16 વર્ષની વચ્ચે છે, જ્યારે 10મા આરોપીની વય માત્ર 11 વર્ષ છે. પોલીસે આ કિશોરીના બોય ફ્રેન્ડની ધરપકડ કરી છે જયારે બાકીની પણ અટકાયત કરીને કોઈ ગુપ્ત જગ્યાએ રાખ્યા છે.
પ્રાપ્ત થતી માહિતી અનુસાર, આ કિશોરીનો પ્રેમી તેના ઘરેની પાસે એક ઝાડીમાં તેને લઈને ગયો હતો. જ્યાં તેના કેટલાક મિત્રો પહેલેથી હાજર હતા. એ દરમ્યાન એ બધા યુવકોએ કિશોરીની સાથે બળાત્કાર કર્યો હતો. આટલું જ નહીં, ઈસ્ટરની રજાઓ દરમ્યાન બીજીથી છઠ્ઠી એપ્રિલની વચ્ચે ત્રણ વાર 10 સગીર યુવકોએ એ યુવતીની સાથે વારાફરતી બળાત્કાર કર્યો હતો.
આ ઘટનાથી કિશોરી સ્તબ્ધ થઇ ગઈ હતી અને થોડા દિવસ પછી માતાપિતાને વાત કરી હતી. વધુ ચોંકાવનારી વાત એ હતી કે આ કિશોરોએ બળાત્કારનો વિડીયો ઉતાર્યો હતો અને પછી તેને સ્નેપચેટ ઉપર મુક્યો હતો.
ત્રણ વર્ષ પહેલાં પણ આ પ્રકારની ઘટના સામે આવી હતી. એ સમયે ભૂતપૂર્વ ફ્લેડર્સના ગેટની ઘટના સામે આવી હતી. જોકે ત્યારે પણ લોકો ભારે ગુસ્સામાં હતા. ન્યાય મંત્રી જુહલ ડેમિર સજાની શરતોને વધારવાનો પ્રસ્તાવ સંસદમાં મૂકયો છે. 14 વર્ષથી ઓછી વયના અપરાધી માટે બે વર્ષ, 14થી 16 વર્ષના અપરાધીઓ માટે પાંસ વર્ષ અને 16 વર્ષથી વધુ વયના અપરાધીઓ માટે સાત વર્ષની સજા હોવી જોઈએ.
આ પહેલાં વર્ષ 2021માં બેલ્જિયમ સરકારે સગીર અપરાધ કાયદામાં સંશોધન કર્યું હતું, જેમાં 12 વર્ષથી ઓછી વયના સગીરોના બળાત્કાર અને ગેન્ગરેપમાં દોષી હોવા પર લાંબા સમય સુધી જેલમાં રાખવાની મંજૂરી મળી હતી.
