વિજય દેવરકોંડા-મૃણાલ ઠાકુરની ફિલ્મ “ધ ફેમિલી સ્ટાર” હિન્દીમાં થશે રિલીઝ

ઘર બેઠા જુઓ વિજય-મૃણાલની કેમેસ્ટ્રી

કોમેડી એક્શન ડ્રામા ફિલ્મ “ધ ફેમિલી સ્ટાર” ઓટીટી પર રિલીઝ થવા તૈયાર છે. આ ફિલ્મમાં વિજય દેવરકોંડા અને મૃણાલ ઠાકુર મુખ્ય ભૂમિકામાં છે. આ ફિલ્મ પહેલાથી જ ઓટીટી પ્લેટફોર્મ એમેઝોન પ્રાઇમ વિડીયો પર કન્નડ, તમિલ અને તેલુગુ ભાષામાં ઉપલબ્ધ હતી. હવે આ ફિલ્મનું ઓટીટી પ્લેટફોર્મ પર હિન્દી વર્ઝન રિલીઝ થવાનું છે.

પરશુરામ પેટલાના ડાયરેક્શનમાં બનેલી ફિલ્મ “ધ ફેમિલી સ્ટાર”માં વિજય દેવરકોંડા અને મૃણાલ ઠાકુરની કેમેસ્ટ્રીને દર્શકોએ ખૂબ જ પસંદ કરી હતી. જો કે તે બોક્સ ઑફિસ પર ધમાલ મચાવી શકી ન હતી. હવે તે ઓટીટી પ્લેટફોર્મ પર હિન્દીમાં રિલીઝ થવા જઈ રહી છે. નિર્માતાએ આ ફિલ્મના ડિઝિટલ સ્ટ્રીમિંગ રાઇટ્સ જીયો સિનેમાને વેંચયા છે.

“ધ ફેમિલી સ્ટાર” ઓટીટી પ્લેટફોર્મ જીયો સિનેમા પર 28મી જૂને રિલીઝ થશે. જેની જાણકારી ખુદ જીયો સિનેમાએ પોતાના સોશિયલ મીડિયા એકાઉન્ટ પર શેર કરી હતી. આ ફિલ્મની વાર્તા ગોવર્ધન (વિજય દેવરકોંડા)ની આજુ બાજુ ફરે છે. જે એક ધાર્મિક પરિવારમાંથી આવે છે. ગોવર્ધન ઉપર સંયુક્ત પરિવારની જવાબદારી હોય છે. તેવામાં એક દિવસ તેના જીવન એક નવો વણાંક આવે છે. જ્યારે એક નવું પાત્ર ઇંદુ (મૃણાલ ઠાકુર) તેના ઘર અને જીવનમાં આવે છે. ફિલ્મમાં આગળ આ બન્નેની જ વાર્તા છે, જે તમને જોવાની મજા આવશે.