આ 5 શેરના કારણે શેરબજાર તૂટયું : રોકાણકારોને રૂ. 4 લાખ કરોડનું નુકસાન

શરૂઆતના ટ્રેડિંગમાં શાનદાર ઉછાળા બાદ શેરબજારે અચાનક યુ-ટર્ન લીધો હતો. મજબૂતીથી શરૂ થયેલું શેરબજાર મોટા ઘટાડા સાથે બંધ થયું. સપ્તાહના છેલ્લા ટ્રેડિંગ દિવસે સેન્સેક્સ 732.96 (0.98%) પોઈન્ટ ઘટીને 73,878.15ની સપાટી પર બંધ થયો હતો. શેરબજારમાં આજે મોટા ઘટાડાનું કારણ હેવીવેઇટ શેરોમાં ભારે પ્રોફિટ બુકિંગ હોવાનું માનવામાં આવે છે.

રિલાયન્સ ઇન્ડસ્ટ્રીઝનો શેર આજે 3.50 ટકા ઘટીને રૂ. 2843 પ્રતિ શેર પર પહોંચી ગયો છે. એચડીએફસી બેંકના શેરમાં 1.13%નો ઘટાડો આ સિવાય L&Tના શેરમાં લગભગ 3%, એરટેલમાં 2.34% અને મારુતિ સુઝુકીના શેરમાં 2.34%નો ઘટાડો જોવા મળ્યો હતો.

કયા કારણોસર શેરબજારમાં આવ્યો કડાકો
યુએસ ફેડ દ્વારા વધુ રેટ કટની અપેક્ષાને કારણે સ્થાનિક બજાર છેલ્લા કેટલાક સમયથી અસ્થિર છે. આવી સ્થિતિમાં વિદેશી રોકાણકારો અને સ્થાનિક સંસ્થાકીય રોકાણકારોએ શેર વેચવાથી બજાર ઘટ્યું છે. યુ.એસ.થી આજે પાછળથી આવતા NFP ડેટા પણ આજની અસ્થિરતાનું એક પરિબળ છે. તે જ સમયે, સેન્સેક્સની સમાપ્તિને કારણે આજે બજારમાં સેલિંગ જોવા મળી રહી છે.

આ 6 શેરો સૌથી વધુ તૂટ્યા

શેરબજારમાં ભારે ઘટાડાને કારણે CEAT ટાયરનો સ્ટોક 4.2 ટકા, જ્યોતિ લેબ્સ 3.6 ટકા, બ્લુ સ્ટાર સ્ટોક 3 ટકા, રિલાયન્સ ઇન્ડસ્ટ્રીઝનો સ્ટોક 3.5 ટકા, MRF સ્ટોક 3 ટકા અને ટાટાનો ટ્રેન્ટ સ્ટોક 3 ટકાનો ઘટાડો જોવા મળ્યો હતો.રોકાણકારોને રૂ. 4 લાખ કરોડનું નુકસાન થયું છે

શેરબજારમાં આવેલા જંગી ઘટાડાને કારણે આજે BSE લિસ્ટેડ કંપનીઓમાં રોકાણ કરનારા રોકાણકારોને ભારે નુકસાન થયું છે. રિલાયન્સ ઇન્ડસ્ટ્રીઝ અને એમઆરએફ જેવી કંપનીઓમાં રોકાણ કરનારા રોકાણકારોને સૌથી વધુ નુકસાન થયું છે. આજે BSEના માર્કેટ કેપમાં રૂ. 4.25 લાખ કરોડનો ઘટાડો થયો છે.

બજાજ ફાઇનાન્સનો શેર 8 ટકા સુધી વધ્યો
ઇન્ટ્રાડે દરમિયાન, બજાજ ફાઇનાન્સના શેર સપ્તાહના છેલ્લા ટ્રેડિંગ દિવસે 8 ટકા વધ્યા હતા. RBI દ્વારા પ્રતિબંધો હટાવ્યા બાદ આ વધારો થયો છે. બજાજ ફાઇનાન્સનો શેર આજે 0.75ના ઉછાળા સાથે રૂ. 6932.80 પર બંધ રહ્યો હતો.

નોંધનીય છે કે આજે શેરબજાર ખુલતાની સાથે જ તે ઝડપથી ઉછળ્યો હતો અને સેન્સેક્સ 75094ના સ્તરે પહોંચી ગયો હતો. તે જ સમયે, નિફ્ટી 22,794 પોઈન્ટના તેના સર્વકાલીન ઉચ્ચ સ્તરે પહોંચી ગયો હતો. આ પછી શેરબજારમાં જોરદાર ઘટાડો જોવા મળ્યો હતો.