રણજી ટ્રોફી ક્વાર્ટર ફાઈનલ શેડ્યૂલ જાહેર, જાણો બરોડા અને સૌરાષ્ટ્રની ટીમ ક્યાં રમશે
ઘરેલું ક્રિકેટરો માટે મહત્વની ટૂર્નામેન્ટ રણજી ટ્રોફીના ક્વાર્ટર ફાઈનલ મેચનું શેડ્યૂલનું એલાન થઈ ચુક્યુ છે. ગુજરાતમાંથી બે ટીમો ક્વાર્ટર ફાઈનલમાં પહોંચી છે. બંને ટીમો ફાઈનલમાં પહોંચવા માટે દાવેદાર માનવામાં આવે છે. જોકે બરોડાની ટીમ કરતા ગુજરાતની ટીમે એક મેચ વધુ જીતવા છતાં પણ ક્વાર્ટર ફાઇનલમાં સ્થાન મેળવી શકી નથી.
ક્વાર્ટર ફાઈનલમાં પહોંચનારી ચાર ટીમો પોતાના ઘરેલું મેદાન પર જ મેદાને ઉતરવાનો મોકો મેળવશે. જે ચારેય ટીમો પોતાના ગ્રુપમાં ટોચ પર રહેનારી છે. આમ બીજા સ્થાને રહેનારી ટીમો પોતાની હરીફ ટીમના મેદાન પર રમવા માટે ઉતરશે.
- ક્વાર્ટર ફાઇનલ 1: વિદર્ભ Vs કર્ણાટક, નાગપુર
- ક્વાર્ટર ફાઇનલ 2: મુંબઈ Vs બરોડા, મુંબઈ
- ક્વાર્ટર ફાઈનલ 3: તમિલનાડુ Vs સૌરાષ્ટ્ર, કોઈમ્બતુર
- ક્વાર્ટર ફાઈનલ 4: મધ્યપ્રદેશ Vs આંધ્ર પ્રદેશ, ઇન્દોર
