સોનાક્ષીના હાથમાં લાગી ઝહિરના નામની મહેંદી ….વેડિંગ ફંક્શનની તસ્વીરો થઈ વાયરલ
સોનાક્ષી સિન્હા અને ઝહીર ઈકબાલ 23 જૂને લગ્ન કરવા જઈ રહ્યા છે. ફેન્સ તેમના લગ્ન સંબંધિત દરેક અપડેટ જાણવા માટે ખૂબ જ ઉત્સુક છે. બંનેના લગ્નના ફંક્શન શરૂ થઈ ગયા છે. સોનાક્ષીના હાથ પર તેના ભાવિ પતિ ઝહીરના નામની મહેંદી પણ લગાવવામાં આવી છે. તાજેતરમાં એવી અફવાઓ હતી કે અભિનેત્રીનો પરિવાર તેના લગ્નથી ખુશ નથી. આવી સ્થિતિમાં તે લગ્નમાં હાજરી નહીં આપે. આ અહેવાલો પર પૂર્ણવિરામ મુકતા શત્રુઘ્ન સિંહા તાજેતરમાં જ ઝહીરના ઘરે જોવા મળ્યા હતા. આ પછી હવે તેમના બંગલા ‘રામાયણ’ને પણ દુલ્હનની જેમ સજાવવામાં આવ્યો છે.
તાજેતરમાં આયોજિત કપલની હલ્દી અને મહેંદી સેરેમનીની કેટલીક તસવીરો સામે આવી છે. આ તસવીરો ઝહીરની બહેન અને સેલિબ્રિટી સ્ટાઈલિસ્ટ સનમ રત્નસીના મિત્ર ઝહીર અલી મુનશીએ શેર કરી છે.
લખ્યું- ‘સોનાક્ષી સત્તાવાર રીતે બેન્ડસ્ટેન્ડ પર આવી છે’
આ ફોટો શેર કરતી વખતે ઝફરે લખ્યું, ‘હું ખૂબ જ ઉત્સાહિત છું અને આખરે સોના સત્તાવાર રીતે બેન્ડસ્ટેન્ડ બિલ્ડિંગના એ ક્લાનમાં આવી ગઈ છે. તમને જણાવી દઈએ કે આ ઝહીર ઈકબાલના ઘરનું સરનામું છે.’
આ તસવીરોમાં એક તરફ સોનાક્ષી અને ઝહીર પરિવારના સભ્યો સાથે જોવા મળી રહ્યા છે. કેટલીક તસવીરોમાં કપલના મિત્રો મહેંદી સેરેમનીનો આનંદ લેતા જોવા મળે છે.
આ લગ્નમાં હાજરી આપવા માટે સોનાક્ષીના પિતા શત્રુઘ્ન સિન્હાના ભાઈ અને પરિવારના ઘણા સભ્યો અમેરિકાથી આવી રહ્યા છે. આ વાતનો ખુલાસો શત્રુઘ્નના મિત્ર શશિ રંજને તાજેતરમાં એક ઈન્ટરવ્યુમાં કર્યો હતો.તેણે એ પણ માહિતી આપી હતી કે દંપતીના રજિસ્ટર્ડ લગ્ન ઝહીર ઈકબાલના ઘરે જ થશે. સમગ્ર પરિવાર માટે આ ખૂબ જ ખુશીની ક્ષણ છે.
બંને પરિવાર ડિનર પર સાથે જોવા મળ્યા
તાજેતરમાં સેનાક્ષી અને ઝહીરનો પરિવાર ડિનર માટે સાથે જોવા મળ્યો હતો. આ દરમિયાન સોનાક્ષીના માતા-પિતા શત્રુઘ્ન સિન્હા અને તેની પત્ની પૂનમ સિંહા ઝહીરના પિતા ઈકબાલ રત્નાસી સાથે જોવા મળ્યા હતા.
ચર્ચા છે કે આ કપલ આજે એટલે કે 22 જૂને સગાઈ કરવા જઈ રહ્યું છે. 23 જૂનના રોજ સવારે બંનેના રજિસ્ટર્ડ મેરેજ થશે અને તે જ દિવસે સાંજે મુંબઈના દાદરમાં બાસ્ટન રેસ્ટોરન્ટમાં રિસેપ્શન પાર્ટી હશે.
‘કાકુડા’નો ફર્સ્ટ લૂક રિલીઝ
વર્ક ફ્રન્ટની વાત કરીએ તો સેનાક્ષીની આગામી ફિલ્મ ‘કાકુડા’ છે, જેનું પોસ્ટર તાજેતરમાં રિલીઝ કરવામાં આવ્યું છે. આ સુપરનેચરલ કોમેડી ફિલ્મમાં સોનાક્ષી ઉપરાંત રિતેશ દેશમુખ અને સાકિબ સલીમ પણ જોવા મળશે. તેનું નિર્દેશન ‘મુંજ્યા’ ફેમ ડિરેક્ટર આદિત્ય સરપોદ્દારે કર્યું છે. તે ટૂંક સમયમાં OTT પર રિલીઝ થશે.
