વિજય વર્માની વેબ સિરીઝ “મટકા કિંગ”નું શૂટિંગ શરૂ
એમેઝોન પ્રાઇમ વીડિયોએ જાહેર કર્યું ફર્સ્ટ લુક પોસ્ટર
બોલિવૂડના જાણીતા અભિનેતા વિજય વર્મા જલ્દી જ વેબ સિરીઝ મટકા કિંગમાં જોવા મળવાના છે. તેવામાં પ્રાઇમ વીડિયોએ તેનું ફર્સ્ટ લુક પોસ્ટર જાહેર કરીને દર્શકોનો ઉત્સાહ વધારી દીધો છે. સોશિયલ મીડિયા પર મટકા કિંગ સિરીઝમાં વિજય વર્માનો ફર્સ્ટ લુક દેખાડીને પ્રાઇમ વીડિયોએ કેપ્શનમાં લખ્યું હતું કે, તમે દાવ લગાવવા તૈયાર! મટકા કિંગ જલ્દી જ એમેઝોન પ્રાઇમ પર.
આભિનેતા વિજય વર્માએ બોલીવુડમાં પોતાની અલગ જ ઓળખાણ બનાવી છે. રંગરેજ, સુપર 30, લસ્ટ સ્ટોરીજ 2, મર્ડર મુબારક જેવી ફિલ્મોમાં તે પોતાના પાત્ર વિશે જાણીતા છે. મટકા કિંગ એક ક્રાઇમ થિલર સ્ટોરી છે. જેમાં વિજય વર્મા મુખ્ય ભૂમિકામાં આકર્ષક લાગે છે. આ સિરિઝનું નિર્માણ સિદ્ધાર્થ રોય કપૂર, નાગરાજ મંજૂલે સાથે ગાર્ગી કુલકર્ણી, આશિષ આર્યન અને અશ્વિની સિદવાની દ્વારા કરવામાં આવી રહ્યું છે. આ સિરિઝનું શૂટિંગ શરૂ કરી દેવામાં આવ્યું છે.
મટકા કિંગની વાત કરવામાં આવે તો આ સિરીઝની વાર્તા એક કાલ્પનિક વાર્તાની આજુબાજુ ફરે છે. જે 1960માં મુંબઇમાં સ્થાપિત કરાઇ છે. જ્યાં એક કપાસનો વેપારી મટકાનો જુગાર શરૂ કરે છે. ધીમે ધીમે આ જુગાર આગળ વધે છે અને આગળ શું થાય છે? તે માટે સિરીઝની રાહ જોવી પડશે. આ સિરીઝમાં કૃતિકા કામરા, સાઈ તામ્હાળકર, ગુલશન ગ્રોવર અને સિદ્ધાર્થ જાધવ મહત્વની ભૂમિકામાં છે.